【送飛！】《C奶同學會 Bad Moms 》睇曳曳媽咪對決！

史上最賣座限制級喜劇、橫掃全球票房14億美元嘅《醉爆伴郎團》（The Hangover）系列搞鬼編劇拍檔，伙拍《PARTY冇限耆》爆笑監製，為靚太C奶解開種種束縛，嚟一個自由大解放！

婚姻美滿、仔女聽教聽話、樣靚身材正、事業有成……乜做一個成功嘅靚太要符合咁多條件？唔怪得班靚太壓力爆煲，要徹底發洩下！今次嘅「靚太」陣容鼎盛，包括《黑天鵝》（Black Swan）金球提名性感女星米娜古妮絲（Mila Kunis）、《羅馬假期》（When In Rome）人氣女星姬絲汀貝兒（Kristen Bell）、《搶閘男主播》（Anchorman）系列女星姬絲汀娜艾普姬（Christina Applegate）、韋史密夫（Will Smith）老婆珍達娉琦史密夫（Jada Pinkett Smith）等等，演活汗水與淚水的C奶非人生活！

話說其他家長眼中嘅全能媽咪亞美，其實成日畀公司腦細同學校家長會搞到氹氹轉，兩邊不討好。忍無可忍之下，亞美決定同「完美媽咪」身份講拜拜。兩位志同道合嘅宅女師奶奇奇、爆粗大媽卡拉，亦加入「曳曳媽」行列，更擁戴亞美角逐新一屆家長會主席，挑戰規矩多多、勁玩杯葛嘅女王桂蓮，兩大靚太陣營對決！

電影於美國一開畫票房即刻登上三甲位置，獲得觀眾大讚故事爆笑入肉、身同感受；《紐約時報》（New York Times）、《Entertainment Weekly》及《Hollywood Reporter》等一眾權威傳媒亦大力推介﹗

上映日期：2016年9月8日

導演：鍾魯卡斯、史葛摩亞

演員：米娜古妮絲、姬絲汀貝兒、姬絲汀娜艾普姬、嘉芙蓮漢恩
片長：101分鐘

片種：喜劇