【專訪預告】靚媽蔣怡分享：理想生活煮意

靚媽蔣怡（Coco）辮數多多，眾所周知佢最鍾意煮嘢食，仲去咗法國藍帶廚藝學院學藝；除咗亮相電視節目，亦喺Big Big Channel節目做「捽碟女神」，平時為整嘢食拜師學藝、周圍吃喝玩樂，甚懂享受人生。

Coco仲係一個勁盡責人妻，照顧老公同囡囡飲食，Coco更揚言，要囡囡健康成長，就要清楚佢平時食乜，唔到周末，唔會畀佢食到街外食物。平時聲音嬌嗲嘅佢，講起阿女即刻露出媽咪獨有嘅霸氣！

好多媽咪全心湊仔，好少照顧自己感受，有時仲會唔記得自己身世，忘記咗世界上有樣嘢叫扮靚。Coco唔單止對屋企人照顧周到，亮相時例必悉心打扮，又識飲識食，直情要話我哋知：做媽咪都可以好cool！

嚟緊Coco會為我哋示範兒童便當，仲會同我哋分享佢生活、湊女嘅心得，想睇就記得留意shemom喇！

Coco出席公開場合次次打扮都一絲不苟，例必性感，令人留下深刻印象。

煮餸耍家嘅Coco原來捽碟都有姿勢有實際。

法國藍帶廚藝學院畢業嘅Coco，平時都係鍾情中菜，金沙飽魚、四川式蝦碌，睇到都流口水！

Coco整甜品都有一手。

女兒Uma今年四歲，雖然唔算餅印，皮膚和她一樣黝黑！

作為藍帶廚神，平時一定好好照顧老公同囡囡飲食。女兒嘅正餐、零食，都係佢一手包辦。

圖片來源：cocochiang@IG