扮公主見真公主 碧咸細女哈七 6 歲生日 P

好多細路女都鍾意扮公主，而碧咸細女哈七就更加威水過人，有尤金妮婭公主同佢一齊慶祝生日！

日前碧咸與老婆 Victoria 一齊喺 IG 貼出哈七慶祝生日相，除咗好多張係白金漢宮門前留影之外，仲有一張係一班同學仔同英女王孫女，尤金妮婭公主合照。呢幾幅相雖然吸引過百萬 like，但係就引來公關災難。

6 歲生日嘅哈七（右三）與尤金妮婭公主（Princess Eugenie，左三）以及一班同學仔合照。

碧咸同細女哈七喺白金漢宮門外留影。

連碧咸嫂都喺 IG 貼出哈七喺白金漢宮門口影嘅相。

碧咸媽（中）都有份一齊出席派對。

唔少評論認為碧咸一家係濫用特權，因為白金漢宮係英女王屋企，絕對唔容許平民自出自入。
碧咸最後發現出事更企圖補鑊，於IG表示，茶會係安德魯王子舉辦，自己同媽咪、囡囡只係獲邀出席。不過據 Sky News 引述白金漢宮前新聞發言人 Dickie Arbiter 所講 ，認為他們沒有一個人有資格於白金漢宮出現，而碧咸至今都未有進一步回應事件，呢次公關災難真係唔知點收科喇。

圖片來源：davidbeckham@IG, victoriabeckham@IG