晶女郎文凱玲工人「走佬」勁無奈求救！盤點3位明星「極品」工人事件簿：孫慧雪最黑仔！工人扮大肚失蹤、女歌手被偷錢報警

有「晶女郎」之稱的文凱玲（Connie），去年3月與圈外男友奉子結婚，及後於7月初宣布順利女兒Iyla。文凱玲產後專注照顧女兒亦有聘請外傭，不料日前她在IG限時動態求救，透露工人姐姐突然「走佬」令她極無助！過去亦有不少明星曾中伏遇上「極品」工人，當中以孫慧雪經歷最深，有工人扮大肚「走佬」、女歌手被偷錢報警。

文凱玲在IG限時動態以黑底白字寫下長文，指其工人姐姐要求辭職馬上返菲律賓，令她手足無措！Connie表示：「其實佢已經唔係第一次講話唔做，又話同老公鬧交又話掛住啲仔女，但係之前佢好快就後悔話佢只係亂咁噏，所以今次我地（哋）應承咗佢畀佢執嘢走。幫佢準備埋辭職信，話埋俾佢知我地同意佢即刻走，唔使一個月通知亦都唔使賠一個月錢俾我地。」

原本文凱玲夫婦讓工人離開，結果遇上麻煩。「但係佢話唔想即刻簽，想去當時請佢嗰間中介公司度處理剩低嘅手續。結果個工人姐姐執晒所有嘢離開咗我屋企，然後仍今日無去到個中介公司，夜晚我發訊息提醒佢，聽日記得去中介公司處理手續同埋收錢。結果佢覆返我話佢唔去﹗唔通佢連錢同機票都唔要？而家我可以點算好？」

盤點圈中3位明星「極品」工人事件簿

明星「極品」工人1. 孫慧雪 工人扮大肚「走佬」

孫慧雪婚後育有2名兒子，7年前開始聘用外傭的她，屢次遇到「極品」工人姐姐。孫慧雪去年聘用了2名外傭照顧小朋友，原以為大家相處得很融洽，卻料去年7月到美國外遊後回家突發現1名外傭失蹤：「返到屋企發現姐姐清空房間走咗。」起初工人姐姐以驗孕棒照片通知懷孕，孫慧雪還想恭喜她，被網民「點醒」是網圖，才知道又被騙。事隔數天後，收到財務公司信件，才真相大白，再一次受騙大感無奈！

延伸閱讀>> 獨家訪問｜孫慧雪再遇極品工人「大肚」玩失蹤終真相大白！最嬲竟是另有其人？阿雪獲封「姐姐絕緣體」有回應！

明星「極品」工人2. 謝安琪  失竊$6,000現金報警終入獄

2021年1月，謝安琪（Kay）發現家中銀包內$6,000現金不翼而飛，懷疑印尼家傭偷去後失蹤，令Kay報警求助，最終警方拘捕了印傭及後被控盜竊並承認控罪，即時監禁6星期。

明星「極品」工人3. 葉翠翠  假履歷連環大話 「博炒」姊妹花 

43歲前港姐冠軍葉翠翠婚後育有3位兒子，過去一直聘請2名工人姐姐主要照顧小朋友。2019年葉翠翠在FB透露家中2名菲律賓工人姐姐惡行連連，不願工作「博炒」補1個月人工，中介公司更隱瞞她們來港前沒有家傭工作經驗。葉翠翠表示：「請咗兩個菲律賓工人，來到發現原來從未試過工作，菲律賓agent 講大話（香港agent不知情），工人講大話，而且發現係兩姊妹。先後大大聲話唔再工作，叫我炒佢，一個做左24日，另一個做左1個月加9日，兩個都係講明要我炒佢，補錢！」

最過分的是，工人疑虐待搣小朋友，還有種種惡行如BB水壺和水杯從來唔洗、抹碗布和地布放在一起、偷用她的名貴食材擅自煲雞湯、士多啤梨沒有清洗過給小朋友吃等，令葉翠翠忍無可忍，最終解僱她們。