陳山聰：殺人狂魔的真實告白 – 兒子是父親節的意義

celeb family
by sue wai
14/06/2022

剛播完的電視劇《18年後的終極告白2.0》不少劇迷讚好，陳山聰飾演的方志浩極度黯黑，易服之後用Sophia的身份幾乎殺死了全劇所有主要角色，成為全套劇的終極大佬！現實生活當中的陳山聰也有一個「大佬」，此人正是他的寶貝仔仔Jaco。我們有幸邀請到Jaco本尊首次粉墨登場，呈獻這個溫馨的親子專訪。

今年是陳山聰以爸爸身份過的第二個父親節，他特別有感觸：「我喺澳門出世，自入行後一直留喺香港發展，與爸爸相處時間唔算多。若果工作唔太忙的話，就會返澳門同爸爸慶祝；但自爸爸離世後，呢個節日對我來講就冇乜特別意義。」

直至兒子出世，陳山聰才驚覺父親節是如何重要，因為這一天他以爸爸的身份成為主角：「我甚至覺得父親節比自己生日更加重要、更值得慶祝！今年我已約好一家人一齊吃飯，趁Jaco仲係小朋友，我要迫佢同我一齊慶祝，算係一種留念嘅方式。」每談到兒子Jaco，陳山聰即由認真模式切換到慈父模式；在抱着兒子的瞬間，他更好像回到童年，展現率真的微笑。

在 Instagram 查看這則貼文

冷靜與熱情之間

「Jaco有齊我與太太嘅優點，佢平時好似太太咁冷靜，有時又好似我，表現出衝動、心急嘅一面。」的確在我們眼中，Jaco並不怕生，在一眾陌生人面前不哭不鬧，有時展現淡定的微笑。在拍攝期間，媽咪無聲無息地外出買食物，當他發現後會告訴爸爸媽咪不見了。如此處變而不驚，小編敢肯定他就是最受老師歡迎學生類型。

正在播映《18年後的終極告白2.0》，飾演Jason的陳山聰與飾演Angus的譚俊彦大鬥演技。一個火爆長狂一個內歛沉鬱，產生神奇的化學作用。 — 正在播映《十八年後的終極告白2.0》，飾演Jason的陳山聰與飾演Angus的譚俊彦大鬥演技。一個火爆張狂一個內歛沉鬱，產生神奇的化學作用。

對於培育孩子，陳山聰傾向順其自然：「Jaco係一個獨立個體，我唔可以迫佢去做我想做嘅事，不過我會教佢做人嘅道理，尤其是做男人嘅道理。希望佢同我一樣體驗到馬拉松嘅精神：不屈不撓、做事唔好輕易放棄。」

尊重太太也有事業

陳山聰2017年他憑《同盟》的演出奪得最佳男配角獎項，現時當然是全力衝擊「最佳男主角」之位。事業衝刺的陳山聰，也着重家人的生活平衡。「我其實都諗過生多一個小朋友，但係太太都想有自己嘅事業，若果再生一個，佢就一定要做全職媽媽先應付到。我都尊重太太決定，所以而家我哋目標一致，集中火力對付Jaco，陪伴佢開心成長。」