臨盆將至！孫慧雪巨肚引孖胎疑雲

預產期喺8月中嘅孫慧雪陀B以來經常喺IG分享懷孕點滴，前日就喺IG Post咗張巨肚相，網友紛紛留言問係咪孖胎，究竟因乜事個肚會咁巨型呢？

見到大家都咁疑惑，阿雪就留言話：「經常聽人家對我說：你的肚子很大！沒有看這張偷拍照，自己也不察覺。大家問我是不是孖胎？超聲波照了不是喔，大家問我為甚麼還未生？不要心急喔，是正常的孕期！」阿雪咁纖瘦要頂住咁大個肚，真係睇相都覺得辛苦呀～只能說一句：「母愛真係好偉大」！

相中見阿雪身穿白色連身裙，巨肚更明顯！阿雪透露現在腰圍達43吋，佢自己都表示被自己的孕肚嚇親，但解釋自己係正常食量 ，飲食均衡，冇食補品，亦都冇妊娠糖尿病。

阿雪又透露醫生指BB太巨型，可能要開刀，但醫生放假了，所以搵另一位醫生持續再觀察，真係聽見都戥佢心急。

阿雪同準媽媽賴慰玲，以及一班好朋友合照，唔知係咪傾梗媽媽話題呢？

來源：snow711 @instagram