賴慰玲新婚蜜語：仲未習慣叫「老公」！

賴慰玲（Winki）懷孕8個半月，隨時準備好迎接BB來臨。早前我哋邀請佢做專訪，分享懷孕期間各種喜悅！

半年多的時間，由得悉懷孕到結婚，依家更即將成為媽咪，真係喜事浪接浪。訪問時Winki剛新婚半個月，仍未習慣叫「老公」，不停稱呼老公梁子峰做「BB個爸爸」，這段保留少許靦腆、幸福滿瀉的時光，十分難能可貴！

9月23日，賴慰玲與老公梁子峰簽紙結婚！

Winki笑言老公是「暖男型」，好識照顧她感受，知道懷孕時容易暴燥發脾氣，不僅不激嬲Winki，更時時提醒Winki：「為甚麼動氣呢？換個角度想事情，根本毋須動氣。」被另一半日夜開導（洗腦？）的她，自問心境平和了不少。連Winki身邊的朋友，都覺得平時有點火爆的她懷孕後變得純良，脾氣好了很多。

結婚當日，一班好姊妹齊齊為她送上祝福。

不僅另一半表現令他心甜，連腹中BB也同樣乖巧，未出世已識得發動自我保護基制：「現在我鼻子變得異常靈敏，聞到污濁空氣、二手煙，反應特別大；就連一些比較化學的氣味，例如牙膏、洗衣粉，聞到都份外覺得噁心。」加上懷孕期間，準媽咪Winki完全長胎不長肉，這個乖寶寶實在十分抵讚！

Winki陀B期間精神都幾好，訪問當日見她也十分容光煥發，早前她更陀住B學整月餅。

不過說到BB性別，Winki就說要保持神秘感，因為家中長輩叮囑，生B前不可以把BB性別說出來。自小與兩個哥哥關係親密的Winki，早已把兩位哥哥的三個女兒視如己出：「我真的很喜歡小朋友，18歲的願望就是當媽媽，現在終於得嘗所願！」

自小鍾意小朋友嘅Winki，終於當上媽咪喇！

未來兩個星期，Winki 將會在 shemom 分享懷孕期間的開心事，記得留意喇！

圖片：賴慰玲Winki Lai @ facebook、laiwinki @ IG、互聯網