Anjaylia陳嘉寶大住肚重返校園 胎教BB追求夢想

媽媽級女神Anjaylia陳嘉寶跟初戀男友黃頌祈（Epaphras）2017年結婚，先後誕下大女兒Hosanna與細女Eliana，最近宣佈懷上第第三胎的她，雖然被指唔錫身三年抱三不惜一切為老公「追仔」（昔日文章 >> Anjaylia陳嘉寶多次被指生三胎為追仔IG story反擊）。不過Anjaylia一於懶理閒言，日日開心enjoy life。日前Anjaylia與老公燭光晚餐，更於IG出po放閃！

在 Instagram 查看這則貼文

Anjaylia陳嘉寶今胎預產期於年底，將會生個「牛BB」，現時的Anjaylia既開心又興奮，加上懷孕期十分舒服，多個月來變成了大食媽媽。

Anjaylia被醫生勸「食少啲」

Anjaylia陳嘉寶今胎更加得到家中長老加持，兼得媽咪與奶奶主理愛心養胎料理與湯水，令她孕期增磅不少！平時身形纖瘦陀B陀到零孕味的她，最近竟然連醫生也建議她不宜過量飲食，Anjaylia說：「其實三胎都陀得好舒服，今胎都冇乜特別反應，只係大食咗同肥咗，醫生都同我講，以我嘅身形，唔應該食太多，因為我想順產，醫生怕到時BB太大隻，我會生得好辛苦。」

Anjaylia：「要趁陀住B做最想做嘅事！」

最近家中正進行裝修，兩女又分別開始上學，同時維持工作，Anjaylia也處理得頭頭是道，她說：「我依然繼續work life balance，兩個女都要返學，要一路跟住大女返學嘅嘢，呢兩星期又要開始計劃幫細女報學前班，自己又一路有寫作嘅工作。」雖然忙住開學，但Anjay都不覺辛苦：「其實而家陀住BB算輕鬆，等佢出咗世反而好多嘢要搞，又要坐月，又要照顧BB，所以要趁而家會繼續做多啲想做嘅嘢！」

堅持陀B返學  生小朋友也要堅持追求夢想！

正所謂歲月不等人，Anjaylia陳嘉寶在人生策劃上，一直珍惜寶貴的時間，做自己喜歡的事，她最近會上一個跟寫作有關的課程，當旁聽生，初試大肚返學的滋味。Anjaylia笑說：「嚟緊我會去上一個課程，係有關寫作嘅，重新去做學生，大住個肚去大學上堂，外國就見好多，我就未試過，都幾得意呀！學多啲嘢係好開心、好期待。而家我諗住讀完呢個semester就啱啱生BB，跟住就坐月，真係時間啱啱好！之後再睇吓新一個學期有冇機會可以再讀。」

Anjaylia讀書除了為自己，也想以趁此機會，以身作則身教孩子：「趁住有時間就選擇自己喜歡做嘅事，追求夢想，係畀小朋友一個榜樣，希望佢哋大個之後，會同媽咪一樣對世界充滿好奇，喜歡學習。」

昔日文章 >> 零孕味穿搭技巧Get！陳嘉寶分享新手媽媽的穿搭藝術