- celeb family
- by sue wai
- 17/09/2024
活躍好動的梁諾妍 (Inez) 自從成為媽媽之後，沒有一刻停下來，反而比以前更有活力、更有神采。與洪永城於 2021 年結婚，三年抱兩，生了兩位千金，如今已是四口之家。梁諾妍說，今年初生了第二胎後，更堅定自己做working mom的想法：「我覺得所有媽媽都一樣，生完小朋友後，好像多了一條能量bar……本身可能得一條，生咗小朋友就多一條，能量double-up！」
梁諾妍作為媽媽的「三個關鍵字」
「我最想小朋友開心，我對佢哋嘅期望係開心、開心，同埋開心！」婚後多了妻子、媽媽兩個身份的Inez，是一個怎樣的媽媽呢？請她用三個字形容自己，她說：「我會用開心、大膽……同埋，有耐性！」梁諾妍性格樂天，又喜歡作不同嘗試，而「有耐性」是她覺得最自信自豪的優點：「我鍾意運動，尤其係長跑，長期鍛練令到我有無比耐性，即使小朋友發脾氣又難搞，我都有信心、有毅力好好處理！」
毛孩與小孩相親相愛
梁諾妍生B前已育有愛犬Molly，Molly在Inez心目中，算是一位大家姐。至於如何令Molly接受大女兒Amber這位新成員，也是由聰明鬼馬的老公獻計：「佢喺Amber出世後，準備咗一條手巾仔，沾滿Amber嘅氣味之後，就帶返屋企畀Molly戴係頸上面，等佢習慣Amber嘅氣味。」
到Inez與Amber回家後，Molly表現得十分興奮雀躍，但這個反應卻令Inez與老公無法入睡。幸好Molly在一星期之內，已經適應了家中加入新成員，這場小風暴最終得而平息。到二女Beryl出世，Molly已不再激動，令Inez心感安慰。
感激洪永城是神隊友
雖然梁諾妍自評有耐性，但也坦誠自己不是完美，有時比較糊塗、冒失，好在有「神隊友」為她補位：「爸爸都算係神隊友嚟㗎，佢比較細心，我就比較大頭蝦。佢好多時都會提點我，出門口前，佢會提我記住拎potty用品，要帶尿片、濕紙巾、水樽、防曬，逐樣提我帶齊嘢，其實佢真係好細心㗎。」
挑選育兒產品有要求
作為護膚品牌創辦人，老公對於使用、購買產品都有主見與心得。而Inez亦都非常勇於嘗試新產品：「如果你問我，我會覺得小朋友產品最重要係『冇味道』，最緊要唔加色素、香料、無添加，啱番小朋友用。不過我又會嘗試不同產品，因為都識好多朋友同我一樣係媽媽，如果有媽咪推介話好用，我都會試下，唔會只用一款產品。」
生B路難行：第一胎要「食全餐」
梁諾妍熱愛運動冇時停，以為她生B一定「有氣有力」，原來都遇上難關：「初次懷孕一直想順產，自己同自己講『我要順產，我要試！』，點知因為宮頸太硬，作動後痛咗十幾個鐘，最後都要開刀。」到陀第二胎，醫生不建議Inez嘗試順產，她同意了直接選擇開刀：「生第二胎時，由打麻醉藥開始，被推入產房，成個生B過程係清醒之下進行，生第二胎反而更緊張、更深刻，最後當然係一切順利啦。」
因女兒變強大 堅定Working mom之路
Inez 今年初生下二女Beryl後，餵奶、坐月、養好身體，再帶大女兒去旅行，現在停餵母乳，準備再次投入工作：「拍劇、做主持、開Gym room，所有事我都想兼顧！生咗二女之後，我發現自己更加堅定Working mom之路，希望可以畀到小朋友更好嘅生活，兩個女就成為咗我努力工作最大嘅動力！」
