2023回顧｜14個星二代BB出世 陳凱琳零孕味生B最驚喜！孫慧雪、江若琳仲有1位星媽生B搵命搏！邊個BB最重磅？

2023回顧｜過去一年，有不少藝人都接二連三有宣布懷孕，當中更有不少明星秘密造人成功，忽然宣布升呢做爸媽！2023年足足有14名星二代BB出世，遺傳有星爸星媽優良基因，8男6女個個都相當可愛！

2023回顧14個星二代BB出世

2023回顧1月之星二代BB：陳凱琳、鄭嘉穎細仔Carlos

在2023年，圈中有陳凱琳打頭陣生B，與鄭嘉穎成功四年抱三。二人婚後先誕下大仔Rafael和二仔Yannick，今年1月11日公布順利誕下第3名兒子Carlos。不過陳凱琳曾表示，今胎陀得比較辛苦，雙腳水腫嚴重到見不到腳眼，且時常出現抽筋狀態，慶幸有廿四孝老公經常為她按摩，既然有老公錫住，唔知有冇計劃今年追個「小龍女」呢？

2023回顧2月之星二代BB：雨僑、羅力威細仔Harvey ＋ 李璨琛細女Sucy

雨僑羅力威細仔Harvey原定預產期是情人節，最後「早到了」陪爸媽和家姐過節，雨僑更在情人節當天上載一家四口合照宣布：「小情人報到﹗」除了雨僑細仔，2月之星還有李璨琛細女李斐斐（Sucy），Sucy一出世經已與家姐Lucy餅印一樣，現時10個月大的Sucy身型比家姐當年更圓潤，憑著肥嘟嘟可愛萌樣經已非常吸粉，以後可以跟家姐拍擋做小網紅。

2023回顧3月之星二代BB：陳柏宇細女Audrey

陳柏宇（Jason）與太太符曉薇（Leanne）今年3月10日公布喜訊，順利誕下細女陳星晴（Audrey）。符曉薇曬出全家福，當中見陳柏宇抱著細女的冧樣，十分幸福！

2023回顧6月之星二代BB：江若琳、蕭唯展兒子Owen

江若琳（Elanne）與生煎包王子蕭唯展（Oscar）的兒子蕭立鈞（Owen） 於6月初出世。對於兒子的來臨得來不易，江若琳婚後4年嘗試過很多方法，都「冇聲氣」，原來她曾患子宮畸胎瘤而影響受孕。

2023回顧7月之星二代BB：孫慧雪細仔肉肉哥

現年41歲的孫慧雪，本身患有腺肌症和腺肌瘤，陀第2胎可謂「搵命搏」，不少人大讚她偉大！不僅孕肚超巨，臨盆前更達44吋，還有在懷孕期間出現頭暈、作嘔及出血等症狀，更要每晚打安胎針保胎，最終細仔重達9磅出世，肥嘟嘟好健康，令孫慧雪放心晒，她更表示生完即封肚。還有，2011年香港小姐季軍許芷熒（Whitney，原名：許亦妮）細仔7月中出世。

2023回顧9月之星二代BB：張致恆細仔＋陳樂榣女兒 ＋余香凝細仔

出名是「多仔公」、有離婚界KOL之稱的張致恒（Steven）話題不絕，經常被老婆雯雯經常在社交平台公審，並指生活拮据，冇錢交租、交學費及生活費等，經常公開「離婚」消息，卻又繼續為對方產子，今年9月再為張致恒誕下第4名兒子天樂，二人經常公開家事，成為了網民茶餘飯後的話題。

還有，前女子組合Freeze成員陳樂榣（Ally）為前天堂鳥成員葉泓聲（Gordon）剖腹誕下女兒Gia；以及余香凝細仔均在9月出世，重7.7磅。

2023回顧11月之星二代BB：朱慧敏女兒 ＋ 曾淑雅兒子 ＋ 張寶兒兒子 ＋ 可嵐女兒

來到11月，朱慧敏、Jumbo曾淑雅、張寶兒，以及可嵐先後公告喜訊。朱慧敏（Queenie）與養和醫院心臟科專科醫生陳良貴的女兒11月出世，同時拍片分享待產過程。而Jumbo曾淑雅雙喜臨門，陀住B結婚，11月更誕下囝囝Kobe；而上月中，袁偉豪和張寶兒亦呢升呢做爸媽，誕下「袁咕碌」；可嵐囡囡亦緊隨其後出世，11月份可謂非常熱鬧。