索媽Coffee林芊妤爆曾因XX患硬皮症加甲亢 再爆房事？蝦頭請教點收緊「妹妹」＋患甲亢成因、預防方法！

有「瑜伽女神」之稱、已為人母的林芊妤（Coffee）身型依然Fit爆，日前Coffee林芊妤接受楊詩敏（蝦頭）及練美娟（娟姐）訪問時，除了大談修身減肥之道外，Coffee更大方談及性事，多次被蝦頭及娟姐的追問而笑到流眼淚，非常搞笑。此外，Coffee又自爆曾因1原因患上硬皮症、「甲亢」等影響身體系統；情況嚴重時，患者更有機會凸眼。到底是甲亢？如何預防？

日前，Coffee林芊妤接受楊詩敏（蝦頭）及練美娟（娟姐）主持的《絲打圍爐》訪問，少不免大談減肥之道。在節目的開端時，蝦頭經已對Coffee林芊妤「心心眼」，還表示感謝「Coffee」在疫情期間教她做運動keep fit，十分讚賞。期間娟姐和蝦頭更忍不住伸手摸Coffee林芊妤的腹肌，大讚對方腹肌超強硬，令她們非常佩服。她分享了最關鍵一點，表示自己除了睡覺，其餘時間都會收緊腹部，令自己無時無刻都可以鍛煉腹部肌肉。

林芊妤教1個簡易收陰法   蝦頭：以後可以一邊訪問一邊練！

減肥以外，蝦頭又追問Coffee林芊妤如何收緊「妹妹」私處的肌肉，她坦言有不少網友都私訊追問：「通常女生問我，有冇得可以緊啲，因為生完，被個BB撐大咗，有時會漏尿失禁，或者跳兩下就滲尿。其實你而家都做到，即係好似你有高潮，你會收縮一下呀嘛，死喇，我係咪講太多？」娟姐再追問：「如果蝦頭話冇高潮咁點呀？老師！」Coffee林芊妤即時尷尬道歉，還立即教她們訓練收緊陰道方法，她講解：「即係好似急尿要忍住唔畀佢屙出嚟咁！收緊收緊！」

https://www.youtube.com/watch?v=bcW3yl9GjOo

此外，其實Coffee亦曾拍片教大家進行收緊盆底肌運動，相信會解答到蝦頭的疑問。

被追問性事  Coffee：我唔係好有性需要！

另外，娟姐追問Coffee林芊妤擅長做瑜伽是否有利房事，蝦頭則估計有更多款式可以玩，Coffee卻回應：「我老公都比較悶，我哋兩個都比較悶，（有冇新奇有趣答案？）真係唔會，每次都一樣，就算Playback都係一樣。好多人以為我好Wild（野性），但我真係唔係，我唔係扮玉女，我唔係好有性需要，我同老公都唔係好癲嗰啲。聽朋友分享覺得佢哋好密，但我哋真係唔係。因為大家都忙，嗰方面大家都悶，冇乜新奇刺激動作。我知點解我仲未有第二個，就係呢個原因！」

自爆情緒失控患病

Coffee林芊妤表示自己有今天的成果，要答謝網民的支持，還自嘲出身不是特別好、外貌條件本身都不是好，也曾遇到失意時，令她埳入低潮！「我哋情緒病或者生病，80%來自我哋情緒，影響我哋容易病，特別係免疫系統，我親身經歷過。我諗成個香港都知，我都曾經經歷一段好難過嘅時間，好多人唔明，但親身經歷過，我身體侵襲我，當時自身免疫力打我自己，有硬皮症又有甲亢，不停由啲病入侵我身體，我知道係因為我情緒。」

甚麼是「甲亢」？

原來不少人都曾患上「甲亢」，是指甲狀腺過度活躍，分泌過量甲狀腺荷爾蒙，導致人體新陳代謝加快，影響身體各項機能，較多出現在20至40歲女性群組。長期甲狀腺功能亢進而未經治療可造成嚴重併發症，包括心律不正、心臟衰竭、肌肉病變和最嚴重的甲狀腺風暴；情況嚴重時，患者更有機會凸眼。因此患病必須及早求醫治療。

關鍵是情緒低落！

浸會大學中醫藥學院曾於2013年5月至2017年4月期間進行研究，分析115個病例，男女比例為17%與83%。報告顯示，情緒影響導致發病的比率為63%，家族遺傳則為41%。

5大預防甲亢方法

• 少吃含碘食物如海帶、紫菜
• 戒煙
• 避免使用碘酒
• 減少壓力
• 按時服藥及跟進