一句辣着陸永嫂 你咁做令妹妹唔開心！

日前陸永老婆 Reina出咗個post，片入面妹妹Simsim不停讚自己「Simsim靚靚啊」，媽咪就回應話「得意」，引來網民紛紛留言，點知有網民覺得Reina話Simsim得意係「成日話佢唔靚」，仲話Reina成日讚大女靚女而唔讚細女，會令佢唔開心。一句「令妹妹唔開心」言論即時辣着Reina，Reina更好認真地將自己出嘅posts重新睇一次，仲特登出post回應。

Reina仲特登問番Simsim，點解唔鍾意媽咪用「得意」嚟讚佢？佢嘅答案係：因為「得意」係細個，「靚」係大個，佢嘅意思係想做大人，唔係因為媽咪冇讚佢靚而唔開心。

而Reina更加進一步澄清自己係真心覺得阿妹得意所以話佢得意，佢口中嘅「得意」並冇「唔靚」嘅意思。

Reina花咁多心機回應網民，係咪認真咗啲呢？其實父母都好驚自己嘅一言一行，對小朋友好大影響，佢咁做都係緊張小朋友感受啫。

不過細妹Simsim對於自己靚唔靚都不以為意，仲話自己乖啲就可以靚啲咁話。其實佢似乎仲未感受到畀人評頭品足嘅壓力。到個女大啲，媽咪就真係有排煩喇！

三歲未到已經俾我洗咗腦 「Simsim靚靚呀！」 #真係好得意 #利申我覺得我個女好靚

A post shared by MISSUS 6 (@missussix) on Nov 1, 2017 at 12:37pm PDT

網民話Reina剩係讚大女靚會令細女唔開心，佢即刻好緊張回應，之後仲出長文表示自己冇呢個意思，妹妹亦不會因此而唔開心。

Reina好有心機幫兩姊妹扮靚，日前個halloween造型真係不得了！

返學校開Party????

A post shared by MISSUS 6 (@missussix) on Oct 20, 2017 at 11:50pm PDT

三歲人仔咁識擺pose！

A post shared by MISSUS 6 (@missussix) on Sep 21, 2017 at 6:15am PDT

不過講番轉頭，家姐雙眼皮咁深，又難怪媽咪忍唔住讚佢靚靚嘅。

貓癡！ #貓頭鷹個貓

A post shared by MISSUS 6 (@missussix) on Jul 26, 2017 at 12:53am PDT