- celeb family
- by ida wong
- 25/08/2017
「老爸～老爸～我們去哪裡啊？」有追開《爸爸去哪兒》嘅朋友應該望到歌詞就識唱！下個月終於要播第5季喇！至於今季請咗邊幾位爸爸嚟，製作單位都好保密，不過日前就有消息曝光指，陳小春同兒子Jasper竟然有份參演！實在太令人期待喇～
對於甚少公開兒子相片嘅小春，日前就係微博貼咗Jasper嘅正面瞓覺相，唔知係咪啱啱拍完節目攰到瞓咗呢？無論髮型定樣子都同爸爸一模一樣，神同步！小春仲hashtag咗 #爸爸去哪兒 #爸爸帶你去冒險 #I love u only you，張揚地曬命，sweet到爆～網民見到小小春曝光，大讚佢靚仔，更令個post一度成為微博熱門搜尋排第一位，認真厲害！
作為《爸爸去哪兒》的忠實粉絲，會發現每一季都有唔同嘅爸爸角色，顏值擔當、搞笑擔當、煮食組長、甚至係萬能爸爸，唔知一直好少父子檔喺大屏幕出現嘅小春會係邊種類型呢？（小編覺得可能係「稱兄道弟」類型）
除咗小春同Jasper呢對父子，又有消息傳出其餘爸爸仲有吳尊女兒neinei和兒子max、曾出演過《爸爸回來了》的杜江與兒子嗯哼、大隻老爸劉畊宏和女兒泡芙，仲有內地小鮮肉鄧倫做實習爸爸，唔知會唔會有另一個阿拉蕾登場呢？（超好奇！）
有睇開《爸爸去哪兒》呢個節目，都知道個真人show有幾咁艱辛，瞓木屋、戶外生活等等，都係基本橋段，但係好多網民就大讚呢啲嘅體驗可以令小朋友更獨立。喺屋企睇梗電視嘅家長，又唔一定要好似個節目咁帶小朋友去農村體驗生活先可以教到佢哋獨立，以下幾點或者都可以幫到你！
- 俾小朋友有自己獨立嘅空間
嘗試俾子女有一間獨立房間或者獨立的床鋪，學習管理自己的房間，從小養成獨立的個性。
- 等小朋友習慣用鬧鐘起身
與其要每朝叫小朋友起身，不如幫佢哋設定一個小鬧鐘，從小養成小朋友遵守時間觀念，養成自我管理的好習慣，學習唔再過分依賴父母。
- 與小朋友共同訂定生活公約
俾小朋友分擔一啲輕鬆嘅家事，例如打掃自己的房間等等，等佢意識到自己係家中的一份子，要為呢個共同的家盡一份責任。
圖片來源：爸爸去哪儿、萌系安利菌、陳小春、Angelina520尊少、花儿朵朵婴儿护肤、飞鸟_鱼920、邓伦 、新浪綜藝、TV偵探社長@weibo
