全智賢榮升媽咪 復出將孖李敏鎬

34歲韓國女演員全智賢宣佈年初三於首爾峨山醫院為結婚近4年嘅老公崔俊赫誕下猴B仔，母子平安，不過就貫徹低調作風，未有透露其他訊息，都係既，至緊要好好休息呀。

剛生完B嘅全智賢會主力坐月養身，據聞全智賢預咗坐月要駛近27萬港元，選擇的坐月中心院內連水都是提供瑞士產高級礦泉水，而全智賢將獲厚待，唔會同其他產婦一齊餵奶。

全智賢去年7月宣佈陀B之後開始減產，去年年尾更停工安胎，今日生完B，好多粉絲除咗關心女神身體狀況外，都好緊張佢究竟幾時復出，全智賢所屬的經理人公司「文化倉庫」則發表消息：「全智賢以及嬰兒二人情況健康，希望大家祝福剛迎來新家庭成員的全智賢，很快她就會帶給大家好的作品。」

不過據消息人士指出都要2016下半年先復工，傳計劃下半年孖李敏鎬拍浪漫喜劇復出，李敏鎬方面亦回應正商討細節，似乎成數好高。

不論如何，恭喜全智賢！