網友指女兒三歲應戒奶嘴 張繼聰回應：無謂對小朋友太harsh

囡囡是爸爸前世情人，總要黏着爸爸，父女互動永遠是最 sweet。日前張繼聰於 IG 分享與囡囡 Karina 生活點滴，他貼出囡囡靚相及金句，原來 Karina 自稱要去公園玩，沒時間陪他看 PJ Mask！不過就引來不少網友「錯重點」，指出囡囡已經三歲，應該幫她戒奶嘴，更有網友發表激進留言，指若放任小朋友不戒尿片，長大後便要穿成日尿褲⋯⋯對於網友留言，張繼聰不單止毫不動氣，更耐心分享自己的育兒想法。

對於網友的留言，張繼聰都耐心回應，他指：「有d嘢一世都戒唔到🤷🏻‍♂️ 無謂對啲小朋友太harsh」，他又勸網友不要太激動：「朋友，奶嘴啫，唔需要咁嘅👍🏼教導小朋友唔係一件容易嘅事，做父母都係邊學邊做，而且每個家長都有唔同嘅方法，因為每個小朋友都係獨一無二❤️ 亦唔能夠一把尺套係唔同嘅事情上 。大家分享吓，peace 🤘🏼」。

他更寄語大家批評別人之時，亦要記得尊重別人：「我會引導自己嘅小朋友，擁有一顆強大嘅心，可以專心做好自己，同時可以包容同尊重別人☺️👍🏼」

而網友討論又令他回憶起 13 歲大仔 James 當年戒奶嘴的過桯，戒奶嘴關鍵竟然在於與仔仔大傾「男人經」：「放心，小朋友都會有唔駛奶咀嘅一日👍🏼❤️ 我以前同個囝講，你放心食，食到幾多歲都得，不過將來有女朋友，你諗吓會唔會影響大家嘅感情😂😂😂 冇幾耐，就戒咗😂」

伸延閱讀：用定唔用？先搞清楚奶嘴5大傳聞

其實張繼聰與謝安琪夫婦一直都採取輕鬆開心的育兒方法，好像日前張繼聰又分享兩兄妹平時吃甚麼，貼出兩碟一大一小的「生無可戀咖喱飯」，更指是太太指示家傭姐姐精心炮製的傑作。