爸知弊！你嚟湊吖｜吳若希壓軸出場狂數老公3宗罪：佢鏡頭前扮晒嘢！

育有一對仔女的吳若希（Jinny）與老公何兆鴻（Alex）形象似歡喜冤家，吳若希經常有意無意分享自己在家中欺負老公的行為，鬧出不少笑料。最近她與老公、細仔「搏啜」一起獲邀做TVB親子綜藝《爸知弊！你嚟湊吖！》嘉賓，更將屋企鬥氣日常搬上螢幕，吳若希直斥老公「扮嘢」、「虛偽」，行為再度引起網民熱議！

TVB《爸知弊！你嚟湊吖！》昨晚（21日）播出一集，藝人家庭代表是吳若希、老公Alex及囝囝「搏啜」。節目當中，吳若希指出老公Alex私下是嚴父，但在鏡頭面前卻刻意扮溫柔，Jinny說：「平時佢唔係咁㗎，平時佢係：『搏啜，做乜掉嘢呀！』，真係一個好虛偽爸爸。」她曾嘗試電話對話玩踢爆：「你點解把聲要咁呢？你用番你平時同我講電話把聲先，你點會喂（溫柔tone）？」

吳若希直指老公「扮晒嘢」：鏡頭前後兩個樣

節目後期吳若希行動升級，主動要求製作組扮熄機，讓她窺探老公真實一面，結果放下戒心的Alex即時進入嚴父模式，眼神凌厲兼黑面，吳若希見狀即大叫：「你睇下佢對住個仔！」真面目盡展現的Alex，更向黎諾懿坦誠自己是家中惡人：「工人同阿媽話佢一唔食飯，佢哋就會話『爸B鬧喇』，有一點我一定鬧得好勁嘅，就係食食下飯隻叉或湯匙跌咗落地，因為我細個家規好嚴，食嘢唔可以嘈，跌嘢落地就打，食飯有剩喺碗，係淨一粒打一藤。」

吳若希鏡頭前狂數老公Alex三宗罪

表現激動的吳若希更狂數老公3宗罪：「永遠冇手尾」、「好論盡」、「污糟邋遢」，例如將脫掉的鞋子放在客廳中間；節目拍攝期間，Alex的缺點亦統統現形，吳若希眼見Alex忘記食飯前要幫「搏啜」洗手，即時揭發老公罪行，Alex為怕激嬲老婆，不經思索便決定撒謊避難。

另外吳若希亦不滿老公經常「架空」自己：「佢平時對住我個仔，當我冇到，唔會將媽咪呢個字眼提住。」到節目結束時，吳若希老公Alex更無奈以一句作結：「而家諗緊今晚返到屋企點樣受罰。」

吳若希一向自命「馭夫有術」網民反嘲「老婆反面教材」

吳若希與老公Alex2017年婚後至今，不時都在社交平台分享夫妻之間的相處趣事，每每都是口女大若希自豪地講術自己如何欺負老公的事蹟，例如燒老公前度頸巾、掟爛電腦等，乍聽之下極度離譜。

昔日文章 >> 吳若希自認馭夫有術！網民總結3大難頂行為封「老婆反面教材」

不過話說回頭，吳若希與老公Alex結婚踏入第6個年頭，雖然經常鬧出不少笑話，但一家四口樂也融融，相信鬥氣搞笑場面都是二人樂於展示人前的形象，兩口子也不介意被觀眾當做茶餘飯後的笑料吧。

相關文章 >> 吳若希公然數臭TVB「做嘢冇錢仲要倒貼！」 罕見高EQ回覆網民嘲演唱會滯銷＋回顧過往惹火言論