美心妹妺楊鎧凝長大了！15歲精通日語仲係冰壼冠軍、壘球港隊成員！自認A0貼理想男友條件？本尊急以四字親回

「美心妹妹」楊鎧凝（Celine）3歲開始拍廣告，今年15歲的她已是亭亭玉立的少女。正讀中學的她不時分享新相，亦開始有少女心事，仍是A0的她坦言身邊朋友都有拍拖，並公開理想型的條件。

Celine楊鎧凝美心妹妹形象深入民心

Celine妹妹最為人熟悉除了是美心廣告外，亦拍過不少劇集，包括《愛我請留言》、《來自喵喵星的妳》等。日漸長大的Celine因專心學業而減少幕前工作，不過仍活躍社交平台。私下的她品學兼優，除了日語流利考獲N2，又多才多藝，曾獲「香港冰壺杯2022」U16冠軍、ISI香港滑冰賽2022第2名，又入選U15壘球港隊，同時又識彈琴唱歌、芭蕾舞，非常叻女！

楊鎧凝轉眼15歲公開「理想Boy」擇偶條件

現年15歲的Celine不時上載靚相，有對鏡自拍、扮怕醜等等可愛甫士，皮膚滑溜的她跟時下少女無異，相當清純。大個女的她亦開始有少女心事，在社交網公開「理想Boy」的擇偶條件：「要有活力 ，要係識得運動嘅，要170以上，要cute cute地，希望係冇乜脾氣，最重要係靚仔。」但她笑言自己是A0（未拍過拖），又講笑說：「But me A0，所以只係幻想🤷🏻‍♀️🤷🏻‍♀️ 如果你係DM me💩」有網民見狀忍不住「認老」：「到咗Celine都要搵男朋友嘅年紀了。」

網友踴躍介紹引楊鎧凝本尊4字回應

Celine楊鎧凝表示恨拍拖：「我身邊啲人全部拍晒拖啦，Me表示me le（我呢）， 算啦，船到橋頭自然直。」又指身邊沒有靚仔朋友：「Why我冇靚仔frd，唔通我太恐怖？大家快啲話我知why。」有網民搞笑說：「因為我哋由細睇到你大。」

報道Celine楊鎧凝徵求男友的帖文刊出後，不出所料得到極多回覆，她表示：「​​多謝我的朋友今日不斷whatsapp我話介紹男朋友畀我識, 真係講笑㗎咋, Any肥, 大家有緣再見」

香港民間普查：A0才是大多數！超過四分三中學生表示沒有拍拖經驗

現時社交媒體發達，中學生生活圈子多姿多彩、見多識廣，「中學生應否談戀愛」已不是討論話題。根據 3 年前由基督教香港信義會尚德青少年綜合服務中心發佈的中學生戀愛態度及性觀念調查顯示，740名中一至中六學生，24.5%表示曾拍拖，不足四分之一。

然而在表示有拍拖的中學生當中，拍過1-2次拖的僅佔約一半（ 57%），而拍過3-4次拖的佔26%，而表示自己拍過 9 次拖的亦佔 9%，比例幾乎佔整體受訪者人數近一成！