谷祖琳 不再做緊張大師「70 分就最正！」

以前「絕情谷」與大家大談戀事嘅細 Jo，搖身一變成為甜品店老闆娘，之後又成為兩女之母。外表夠 cool 夠硬淨嘅佢，做起生意上來原來是緊張大師，事事都想親力親為，當自己做到 90 分，別人只能交出 70 分，佢就無名火起。但係今時今日，佢轉而享受呢份 70 分帶來嘅快樂，到底係咩令佢有所轉變？

近年嘅谷祖琳，除咗自己生意之外，甚少出現公開活動，今次現身 ALBION 產品發佈活動，原來另有內情。到底佢近期有咩搞作？

谷祖琳兩個囡囡分別 5 歲同兩歲半，性格差天共地。家姐係同學仔面前話：「我媽咪係明星啊！」搞到佢勁尷尬；細女雖然未到 3 歲，但被媽咪大讚好醒目！靚媽谷祖琳都有一套獨家嘅減肥同護膚心得，佢會係片段中同我哋分享。