- celeb family
- by sue wai
- 03/11/2021
這一年來，愈來愈多人認識陳子豐，證據有兩個：第一，沒有將他認錯是強尼；第二，講起陳子豐，不會只叫他做「余文樂表哥」。不過大家未必知道，陳子豐最得意的身份是全能爸爸，他的成就更得到重要人物認證，到底這個人物是誰？
「老婆認證我是全能爸爸」
問陳子豐是否全能爸爸，他也不敢自誇，特意找太太做權威認證：「我特意問太太呢個問題（陳子豐係咪全能爸爸？）佢答我係啊，你梗係啦，仲係好勁嘅新手爸爸！」原來陳子豐太太是在職媽媽，照顧仔仔的責任好多時落在陳子豐身上。
全能爸爸肩負照顧兒子責任，是源於一件事，令他暗自許下承諾：「因為換片、餵奶、掃風我都可以做，唯獨一件事做唔到。仔仔剛出世時，太太每日每夜都在泵奶，見到太太泵奶辛苦……咁辛苦都係想將最好嘅嘢畀BB，呢方面我真係幫唔到手，咁我就同自己講，其他嘢都由我做啦！」
用心陪伴兒子彌補小時候遺憾
照顧兒子親力親為，除了因為那個暗自許下的承諾，更是因為想兒子成為比自己更開心、更好的人：「呢點都係太太提醒我，佢成日叫我笑多啲，開心啲，畀啲正能量仔仔。佢仲同我講『你係咪想個仔第時好似你咁？』」
我們看來陳子豐是一個溫文的好好先生，其實他的童年不算快樂：「我細個父母都專注工作，爸爸返工、媽咪開時裝店，好多時好夜先收工。我由細到大都係跟住『姨姨』、『姐姐』大，直至而家同父母都好少傾偈……所以我好想自己多啲陪仔仔，令佢可以更開心快樂咁成長。」
感激《大叔的愛》令陳子豐更有自信
今年初《大叔的愛》爆紅，令更多人認識，也令陳子豐更有自信：「作為一個演員，最希望有人留意自己演出，但之前拍過唔少劇集，認識我嘅人唔多，啲劇又唔知有幾多人睇到。到咗《大叔的愛》播出，知道好多人喜歡呢套劇，更加令我發現自己用心努力去做嘅事，係有人會留意到。」
陳子豐是演藝學院畢業生，畢業後一心想當舞台劇演員，可惜現實很殘酷，開飯糊口的壓力之下，陳子豐成為了迪士尼的匿名人物，在迪士尼樂園園區內負責一個名為「石中神劍」的十分鐘表演。當時的他，是真正的寂寂無聞。「當時我覺得自己只係一個表演者，嚴格來講唔算係『演員』。」
離開迪士尼之後，陳子豐成為NOW TV主持，後來VIU TV開台，他就成為了旗下VIU TV藝員，不單做主持，也開始拍劇，令他重拾表演的初心。
陳子豐在VIU TV做過好多套電視劇，但睇過的人不多。《大叔的愛》他感激令他重拾信心，知道自己的努力，別人是看得到的。
陳子豐參演的部份劇集：
強尼是我的奮鬥目標
曾經有報導指陳子豐仔仔在電視見到強尼以為是爸爸，於是當面問陳子豐，他證實真有其事，但已是兒子一歲多兩歲時的事。「仔仔而家當然唔會再認錯老竇，不過其他人會。之前《大叔的愛》播到第5集，我戲份開始多，竟然見到有人網上留言：『強尼做得幾好喎！』，後來我知道就算劇集播完，都仲有人以為我係強尼。」
對於由親生仔到電視迷都認錯自己是強尼，陳子豐沒有氣結，反而視強尼為自己的努力目標：「我覺得一個電視台藝員應該要有幾把刀，主持你要做到、演員亦應該要做到，咁先至算係一個稱職嘅電視台藝員。」言下之意，陳子豐不單止要做老婆心目中的全能爸爸，更要做大家心目中的全能藝人。十項全能有冇可能？陳子豐，要繼續努力啊！
陳子豐訪問視像版：
producer: Sue Wai
videographers: Keith Au & Ivy Chow
makeup artist : 葉泳詩
hair stylist : MavisMar
special thanks: Mira Hong Kong
