夏天轉季護膚小貼士

就快踏入4月，亦表示夏天就快到。香港嘅夏天唔單止熱，而且又濕又笠，成個蒸籠一樣，高溫會令毛孔擴張，加速油脂分泌，黑頭粉刺出哂黎，仲好容易爆痘添！為左夏季唔好臨急抱佛腳，而家開始好好準備夏天用嘅 Skin Care 就差唔多啦，可以注意以下幾方面：

1. 深層清潔

一到夏天，毛孔就擴大，為左唔好形成更多粉刺黑頭，深層清潔必不可少！每星期定期使用2-3次的深層清潔面膜，或者用温和的去角質產品去除老化死皮角質，當然實際次數可以根據個人皮膚性質作出調整，敏感皮膚可以減少使用或者選擇極溫和嘅產品，而油性皮膚可以每週多做1-2次。

2. 防曬

紫外線係皮膚老化及鬆弛嘅元兇。到了夏天，陽光極為猛烈，防曬做得唔好的話就等同放棄自己皮膚一樣。夏天必須轉用 SPF 值 (阻擋紫外線的能力) 比較高，PA (推遲皮膚變紅的時間) +號比較多的防曬霜，以及有防 UVA（紫外線令皮膚老化 A = Aging)及 UVB (紫外線令皮膚燒傷 B = Burning) 以達到更全面及持久的防曬效果。而且在夏天出汗會分解及溶掉部分防曬霜，所以要記得補塗防曬。如果不懂計算防曬時效，不出汗的清況下可以每兩小時補塗一次，也要注意防曬霜要塗得厚些。研究發現一般皮膚必須塗上2 mg 的防曬霜才能達到防曬霜的最佳效果，但大部分人只塗了0.5 mg，所以唔好慳住用，達到防曬效果最重要！緊記一般防曬度數愈高，內含礦物油也相當高，所以晚上卸妝及清潔要徹底，否則殘留皮膚上的防曬霜，會阻塞毛孔，容易產生更多黑頭粉刺！

3. 日常護膚程序

夏天時水分流失比較多，加上氣溫上升，好易會令肌膚水油不平衡，導致油脂分泌旺盛，要改善呢個情況，除左使用清爽或控油產品外，也不要忘記補濕，以免令皮膚愈來愈缺水，出油更勁。化妝方面，也建議應轉用有高保濕效果及控油成分的粉底，用面油紙印走濕粉或 BB、CC cream 上多餘油分，才上碎粉及定妝粉餅，避免造成太笠而形成妝容結塊的尷尬畫面。

夏天來臨先開始準備轉用護膚品和改變保養程序已經太遲，唔想夏天開始生痘痘才發現天氣的轉變？現在就可以著手幫自己和家人準備清爽的護膚品和合適的防曬產品去迎接夏天，同陽光玩遊戲啦！