符曉薇獲老公陳柏宇支持全家出動影宣傳照｜自家設計童裝品牌YELEPHANT

陳柏宇太太，模特兒Leanne符曉薇最近斥資7位數字、籌備3年的童裝品牌YELEPHANT最近面世。品牌名稱YELEPHANT顧名思議是一隻「黃色的小象」，多款嬰兒、幼兒與兒童服飾當中，部份設計更印上小象和用上開心的黃色元素，服裝用料剪裁標榜自然舒服，不少圈中人如謝安琪、吳雨霏女兒都已經率先着上YELEPHANT，質量和設計都獲得一致好評。

符曉薇斥資7位數字創幼童時裝品牌

對於逆市斥資7位數字創業，獲老公陳柏宇全力支持，一家三口一齊上陣拍攝宣傳照，符曉薇表示：「自從女兒Abi出世之後，發現買衫畀小朋友原來係一件有技巧嘅事，好難買到又靚、質料又好嘅衫，試過買件都幾貴嘅衫畀Abi，點知一除衫就見佢甩到成身黑色，所以對小朋友嚟講，質地好係最重要！基本呢個原因，創立YELEPHANT第一個重點係布料，然後就係設計。」

在 Instagram 查看這則貼文

符曉薇自評設計：質料好、可以mix and match!

提到設計，符曉薇直言最大靈感當然係女兒Abi。「質料好，跟住最緊要靚，可以mix and match ！ 咁樣大人有時想同小朋友襯埋一份都多啲選擇；設計上我會將我嘅諗法講畀設計師聽，畫完出嚟之後再改。 」至於老公陳柏宇有何評價，符曉薇話：「佢好支持，覺得啲衫好靚，有時又會畀啲意見；因為暫時都係以網店形式經營，希望着過嘅朋友可以多啲分享，就算冇親身摸過我哋嘅衫，都可以靠口碑話俾大家聽係可信賴！」

符曉薇女兒Abigail示範更多YELEPHANT童裝靚相：

yelephant 網址 >> https://www.yelephantkids.com