第5波疫情肆虐，即使已打疫苗，日日做足防疫措施，亦難以避免染疫。shemom年前訪問過的桐桐BB已差不多4歲，上星期桐桐被家傭姐姐傳染，在情人節確診新冠肺炎，其後父母亦相繼染疫。桐桐媽咪Coco雖然仍在居家療養中，仍無私分享一家人居家自療的經歷和要點。
女兒染疫 浸會醫院醫生指家人避無可避
桐桐媽咪Coco表示，自爆發疫情之後，一家人都不敢輕視，與丈夫都已接種兩針復必泰疫苗，以保障家人健康。但上星期一（2月14日）發現3歲多女兒桐桐發燒，帶她到浸會醫院就醫，女兒在醫院確診新冠肺炎。
醫生面診時，Coco仍未感染新冠肺炎，但醫生指家人實在避無可避，預計小朋友父母亦好大機會染疫。「醫生叫我唔好去排政府醫院睇急症，反正已經冇位，去排隊等盞辛苦。佢畀足藥囡囡後，叫我好似平時傷風感冒咁照顧佢，同埋醫生指呢個病傳染性好高，佢有病我都一定會有，咁我都提醒自己要好好照顧自己。」
檢測結果非即日公佈 未能防止傳染
Coco的家傭在13日開始發燒，估計是家傭姐姐傳染肺炎，但Coco到女兒確診才知情：「囡囡確診後，我將家傭姐姐身份證號碼提供畀衞生署，衞生署資訊顯示係concerned positive，係衞生署遲痛報定係姐姐有所隱瞞就不得而知。」如醫生所料，Coco於女兒確診後兩日（16日）自我檢測呈陽性，而丈夫亦於兩日後（18日）檢測呈陽性。
全家染疫實在手忙腳亂，直至今日女兒確診已一星期，Coco仍在休養中，但慶幸女兒發燒三日已好轉。「雖然因為佢年紀細（未滿4歲）未有接種疫苗（女兒14日確診，政府於15日開始將接種科興疫苗年齡下調至3歲。）。但全家人染疫，囡囡係最快好番，雖然小朋友未打疫苗未有抗體，父母都要保持鎮定。而以我自己嘅經驗，小朋友同大人都真係要瞓多啲，補充足夠維他命C，身體可以好快康復。」
以下是桐銅媽咪Coco經歷感染Omicron後整理的幼童護理心得，分享給一眾新手父母，可備不時之需：
小朋友確診新冠肺炎的自療方法
1. 未知小朋友是否確診，但有病徵如發燒，咳嗽，流鼻水，請即到私家醫院求診。
2. 到私家醫院求診，必定要做檢測，3小時內會有結果，貴一貴都要做，以求安心，因為知道結果方能走下一步。切忌估估下，更切忌自欺欺人。
3. 即使未知結果，醫院醫生也會開定小朋友有機會發病時出現的所有症狀紓緩藥物，如發燒(包括普通燒，高燒及超高燒)，收鼻水，咳嗽等。
4. 私院醫生表示，小朋友發燒屬「輕微症狀」，不用排急症，回家好好休養便可。當然如果有氣促，獅吼症，神智不清等嚴重症狀，便需即到急症室。
5. 確診後，爸媽必需保持冷靜，因為其後3-5日就是小朋友的關鍵時刻。
6. 確診後，私院表示會將情況呈上衛生署，爸媽們可做的就是等衛生署通報，其二就是照顧好自己。
7. 小朋友會有機會不停發高燒，桐桐小姐最高峰時期一日發3次燒，每隔6小時便高燒，每次燒到40度。
8. 一但高燒，便立即普通退藥+塞肛藥雙管齊下，只要小朋友食完藥有退到燒，代表藥對身體有用，所以不用太擔心。
9. 如果食完高燒藥，體溫都沒有下來，便要call 999入急症。
10. 一但高燒，除了食退燒藥，都要好好幫小朋友降溫，例如必備暖毛巾抹額頭，手掌心，腳板底。
11. 或，食完普通退燒藥再帶小朋友沖個涼，再看看溫度有沒有下來。如果有，可只吃退高燒藥代替塞肛。(小朋友塞肛辛苦大喊都會加劇發燒)
12. 補充水份+維他命C。比較建議飲寶礦力，甜甜的，桐桐最嚴重當日清了2小枝，好得超快；維他命C糖，易入口，一日一粒已足夠。
13. 每日換床單被鋪。不停洗+乾，床褥枕頭噴1:49稀釋漂白水。
14. 一定要進食。粥，流質食物，或小朋友最愛吃的。最緊要肯食。
15. 每日記低小朋友體溫，進食情況，身體狀況，大小便情況。(touchwood突然惡化要將資料給專業人士判斷）
16. 如果小朋友情況突然轉差，請即call 999。
授權傳載及相片來源：cocochanhy @ instagram
