【全世界都在看】 靚媽決戰奧斯卡

2016 年奧斯卡剛剛圓滿結束，拿不拿獎都好，紅地氈被視為女星第二戰場，歲月是女人最大的敵人，生完仔尤其覺得歲月不饒人！跟住小編睇睇靚媽女星如何在紅地氈搶鏡喇！

Heidi Klum 依條浪漫的紫色MARCHESA禮服對媽咪而言是個聰明的選擇，視覺重點集中在上半身又可以遮到下半身的瑕疵，雖然Heidi 生完都仲keep 得好好，但唔係個個媽咪都係咁既身形，如果本身係上身纖細下身「壯大」既媽咪，不如試下依種飄逸的多層雪紡禮服。

Jennifer Garner 這身優雅的黑色ATELIER VERSACE禮服是十分安全的選擇，小編超級鍾意這個不對襯的設計，不過胸前少了珠寶點綴似乎有寡，如果放下頭髮做復古大捲髮，加上頸鍊可能會更加搶眼，唔需要耳環都得。

Julianne Moore 這襲 CHANEL 著得氣質出眾，胸前的大V 能幫助修飾臉型，雖是低胸但係露出恰到好處的性感，最怕做左人地阿媽仲著低胸低到肚臍果d，似乎不太莊重。

John Legend 和愛妻Chrissy 甜蜜行紅地氈閃爆現場，酒紅色鏤空禮服襯得準媽咪氣色幾好，「孕味」中仍帶性感，雖然未至令人驚豔，但都係不錯的孕婦禮服示範。

Emily Blunt 的淺色PRADA禮服係另一個美麗孕婦的示範 ，和復古風情的波浪頭+大地色美妝相得益彰，各樣野都搭配得宜，小編會俾個LOVE！

小編一直好鍾意Cate Blanchett 的優雅+霸氣的女王氣質，每次一行出來即刻可以鎮住全場，ARMANI Privé 照舊搶晒鏡，不過不是人人都carry 得到這襲天藍色3D嵌花禮服，首先要夠fit，第二就係氣質夠出眾，否則好易「衫著人」唔係人著衫呀。

(圖片源自互聯網)