【名攝影師教路】 初生BB 影相攻略  

越來越多家長鍾意幫初生BB 影相，與其說「初生」時期不如說「初戀」時期，相信好多daddy mommy 都記得小朋友剛剛生出來果陣，望住佢都會忍不住甜笑、有D 似初戀的感覺(但是比初戀累很多) ，唔關依家潮流興唔興，將依個precious moment 付諸影像絕對是一件能夠回味一生的好主意。其實小編依刻講得語重心長，因為三年前囡囡出世果陣竟然沒有想到要認認真真拍一輯相，依家好後悔呀….

前幾日同一位著名影樓既藝術總監 Rick 傾計，就幫大家問問初生BB 既影相攻略喇！講到依位好友，其實他在VENTURE 做左十幾年，但係五年前先搬過來香港，現在是亞洲區的藝術總監，影過無數BB相，小編一問佢即刻答到最關鍵四點:

1)TIMING! TIMING! TIMING! 時機絕對是第一大關鍵，好多家長想等到坐完月先影，但其實BB仔出世兩個星期之後的柔軟度、樣貌、表情等都已經比較「定形」，也比較有意識，即係難控制好多，謹記呀，想影的話要抓緊時間呀。

2)事前準備。影相前(到達studio) 之前要餵飽BB仔，再多帶一餐奶隨時standby，換埋片，等佢影相果陣舒舒服服全程睡覺就最perfect 喇。

3)溫度。因為BB仲細，棚內溫度最好控制在28度，家長記住提提工作人員呀 (小絕招: 現場再擺個heater 可以令BB安睡得再耐小小)。

4)音樂。現場可播放一些「特別音效」以模仿子宮的環境，例如心跳聲、呼吸聲、水聲。

Rick 咁毫無保留的講晒D絕招，唔怕個個自己在家影，唔找專業攝影師? 當然有不確定因素喇，例如點樣安全的set 好BB仔既姿勢及動作，哪些動作是絕對做不到(甚至要動用phtotoshop) ，哪些動作是好似好高難度，其實有小絕招.. 仲有打燈技巧等，這些還是要專業的才知道喔。

以下分享一些小編好鍾意既作品:

同樣是來自英國的攝影師， Sandi Ford尤其擅長拍攝「微笑 BB」！睇得小編心都融化了~

(圖片源自 VENTURE STUDIOS 及互聯網)