【新抱唔易做 – 003】不敢怠慢奶奶個friend

前幾日知道奶奶有個中學best friend喺加拿大返香港，其實本來都唔係太關我事嘅。點知奶奶話，喂阿詩你平時又知邊度有好嘢食，邊度有嘢玩，不如你幫手諗下計，睇吓帶我朋友去邊度玩啦。

聽到呢句說話我真係掩飾唔到我心中嗰份驚訝同無助，我喵一喵我老公，佢以一個微笑應對，完全無拯救我於水深火熱之中嘅諗法。

喂啊平時我鍾意食乜着乜係我嘅事，依家叫我招呼阿奶奶個閏蜜我何德何能？平時奶奶話想去邊度食去邊度玩我都不敢怠慢，自問次次都招呼周到令佢樂而忘返咁。

但係今次奶奶閏密遊香港我真係束手無策。天啊！點解我老公唔醒少少喺我一個眼神會意之後，幫我推卻奶奶呢個order呢？我真係唔明。

有冇人話到畀我知有乜嘢係啱七十年代嘅閏中密友玩嘅？去山頂睇夜景？參觀杜麗莎夫人蠟像館？我點樣滿足到佢哋兩位長老？