公民教育

一個7歳三年級小朋友，如何明白政治，什麼叫佔中，公民提名民主真普選的通識題目？

昨天晚上帶兒子到金錢遠距離除咗感受香港人團結精神，亦深入淺出解釋香港被中國收返之後，香港政府要聽中國政府話，尋日要警察用咗D以前香港集會冇用過嘅方法（掉催淚蛋，開橡膠子彈槍）嚟驅趕人群，亦都因為有D人都吾啱，亂説話激嬲對方而用咗暴力，有警察同示威嘅人都受傷....令到好多人好心痛，好傷心同甚至好嬲，所以佢哋都好似我哋一齊出嚟齊心表達比香港政府知我哋嘅不滿！同透過新聞，網絡比其他國家知道我哋香港人想要一個更好嘅政府同領導人。

我教彼彼所以有時事情發生好嬲都要學習冷靜表達意願！而且今次帶彼彼出去不是我個人意願,尊重爸爸同彼彼嘅決定，分析過危險性，教佢突發時點樣走，其實都有擔心，嘅然佢哋明白後果仲想去參與體驗吓，我選擇支持，有時淨睇電視FB齋講好難明，亦吾知事實真偽，親身感受。

我教彼彼大個要學習自己分析判斷，吾好人去你又去，人叫你又叫！要知自己做緊乜！
各位家長，我絕對不建議像我們這樣帶孩子冒險體驗不一樣的公民教育，而且可能我的教養方法不當也不切合你的家庭及孩子性格！勿糊亂跟從，做任何決定也有後果需要承擔，我只是將感受同大家分享，也相信有很多像我一樣的家長比我更早巳因這一次事件進行更好的公民教育！

我都吾識點教仔，只希望比佢體會感受自己身處嘅社會，吾好只顧自己做自私精，互助互愛才是香港人精神。

愛下代要出心出力，共勉之！