- hot topics
- by sue wai
- 15/08/2024
今個星期《反起跑線聯盟2》開播，劇中主角朱茵飾演作風嚴厲冼老師，與本尊性格極大反差，為觀眾帶來新鮮感。劇集開播講述小朋友屢屢被老師捉「錯字」，頓時令學生與和家長展開熱烈討論， 引發無限共鳴。
朱茵飾冼老師性格不似本尊 人物原形致敬小學老師
大家認識的朱茵開朗又隨和，與劇中嚴肅的冼老師相差極大。朱茵自言演繹角色有一定難度，而冼老師的威嚴，亦令她想起自己小學二年級時遇到的英文老師：「我記得小學 2年班嘅班主任，真係好惡，每個字都執得好正。例如要我哋寫自己嘅英文地址，細個邊識寫吖，所以唯有亂作啦，點知老師真係睇返我哋個地址逐個逐個去改，嗰次緊係「食蛋」啦。當時真係好驚佢，因為佢同時教埋音樂，你走音又鬧，唔唱又鬧，真係好驚㗎 ! 但係又因為佢咁，我哋個個都識寫英文地址囉。」
而劇中飾演家長 Auntie Venus的周家怡聽後即笑稱，朱茵就是拿著這個藍本來演繹冼老師，不過朱茵卻指：「佢仲惡啲，佢真係會拿著類似棍的物體嚟凶你，我哋而家都冇出呢一招啦。」
學生寫字跟足「官方」寫法極苛刻 引發家長學生共鳴
《反起跑線聯盟2》引起熱烈討論，除了演員陣容之外，劇集寫實又抵死的劇情亦記一功。
第二集劇情中，「最」字正寫問題深受大眾討論，劇中冼老師堅持寫法要跟足「香港小學習字表」，更讓家長們與同學仔一樣接受冼老師「再教育」。
延伸閱讀 >> 朱茵出山演魔鬼教師真實人設大反差！教女親力親為透露爸爸黃貫中陪女打機負責課金
肥仔在劇中飾演家長羅大福，他被冼老師罰寫作業，但寫得不夠端正，更被兒子指正。
身為家長的朱茵，坦言自己心態與冼老師不同，在劇集宣傳活動當中笑指「朱茵本人唔執著」，因為她本人認為以前教的「最」字寫法意思更容易令小朋友明白 :「雖然冼老師要跟劇本去教，但朱茵真係覺得係日取，日日取咪最囉。同埋因為我會咁樣解釋畀個女聽，我點樣叫佢記個最字呢，咪就係你日日取嗰樣嘢咪最愛囉。其實我都唔係好明點解會變咗而家咁寫。」
不過最後朱茵都補一句:「考試梗係跟老師啦 ! 不過都必須要話佢知我哋細個陣時呢個字係啱嘅。」而每當遇著不太肯定的字或句語時，朱茵則會和囡囡一同問爸爸，全家一齊討論。
第二集劇情靈感來自「香港小學習字表」的「最」字：
導演劉偉恆本尊也在個人 IG 引發討論。
《反起跑線聯盟2》劇情緊貼真實小學生活
《反起跑線聯盟2》不少劇情來自真實小學生生活，「愛護雞蛋行動」便是其中之一。故事中老師指示小朋友保護帶回學校的雞蛋，而現實生活中，香港不少初小學生均參與了「全港護蛋大行動」，透過學習照顧蛋寶寶，體會生命的無常及可貴外，也學會尊重和珍惜生命。
未知《反起跑線聯盟2》劇情推進下去，會否有更多現實生活當中如有雷同的劇情引發家長共鳴呢？
