大頭小丸學英文之【寰宇家庭 迪士尼美語世界 】2

聖誕節假期，因為新工人姐姐仲未到，大頭妹同小丸子要去爺爺嫲嫲屋企渡假，我叫大頭妹自己執行李，有咩想帶的公仔﹑玩貝﹑練習就自己揀啦﹗哈哈，是呀﹗假期都要日日做數學同練中文寫字，假期都唔可以懶，如果唔係放完假返學就出事，佢問我可唔可以帶埋『迪士尼美語世界』 DVD 去爺爺嫲嫲屋企睇，當然可以啦，英文練習就交比『迪士尼美語世界』啦！

去到爺爺嫲嫲屋企即刻叫爸爸播『迪士尼美語世界』 DVD，哈哈...佢要睇下開唔開到﹗之後仲話要教爺爺嫲嫲英文，大頭妹真是好認真每個字讀比爺爺嫲嫲聽。小丸子仲細，未係好識認字，不過佢首首歌都識唱，氹到爺爺嫲嫲好開心。老人家眼中，識英文就是好叻嘛！

哈哈...唔知聖誕節假期之後，爺爺奶奶會唔會識唱『迪士尼美語世界』 DVD入面的歌呢？﹗

上篇 BLOG都有講過，我自己唔抗拒比小朋友睇卡通，小朋友一邊睇住卡通/ 聽住 CD學英文，一邊聽歌、唱歌，一邊記住英語的聲音，會有效過我地細個靠 "死記死背" 來得輕鬆，只要接觸得多，學英文都可以好似學廣東話一樣，語境是好重要！

由佢地細細個開始，只要我有時候都會陪佢地一齊睇，我本身是 SET 每日睇 1個鐘，即是一隻碟的時間，然後同佢地邊唱邊玩，其實都是一個好好的親子時間﹗唔好以為只要是卡通小朋友就一定鍾意，其實最初的時間，反而是因為我會陪大頭妹一齊睇，又會同佢一齊唱一齊玩，佢先慢慢愛上，小朋友最開心始終是有爸爸媽媽陪伴。尤其是唱到個啲有動作，好似抱高抱低呀，做運動呀，就會同大頭妹一齊跟著做，我自己又當做下動運，咁樣真是名副其實的快樂學習啊！

哈哈哈...睇下大頭妹個表情，Hey! Mr. Strongman 首歌入面個 Strongman 就是呢個表情﹗次次聽呢首歌，2個就會捉住爸爸，叫爸爸抱起佢地扮 Strongman﹗哈哈﹗唱到呢啲歌，就要靠爸爸啦！

今日我就負責坐定定唱的歌啦﹗平時我成日同佢地一齊聽一齊做運動架！

我抽下生字問大頭妹，真是全部識晒喎﹗最估唔到是連小丸子都識咗好多生字， 因為『迪士尼美語世界』的歌集入面有一啲同 DVD 入面配合的生字圖片，小丸子開始認到好多生字，雖然可能是認個圖，不過唔緊要，慢慢睇慢慢學，一邊睇 DVD 的同時都可以陪養一下睇書的習慣！

【寰宇家庭迪士尼美語世界 】依家仲有得登記免費索取教材體驗版，有小朋友想試試的，唔好錯過啦: www.worldfamily.com.hk/fb/happy100

寰宇家庭 迪士尼美語世界
官方網站 :http://www.worldfamily.com.hk
facebook: https://www.facebook.com/worldfamilyhk