威廉王子: 不希望子女在深宮長大

現年33歲的威廉王子與妻子凱特先後誕下一子一女，組成幸福家庭，但幼年喪母的經歷影響他對為人父母的看法。日前他與31歲弟弟哈里王子一起為一部關於其父親查理斯信託基金的紀錄片受訪時，自言比以前更多愁善感，更為感性之餘，仲會擔心自己能不能活着看一對子女長大！佢話自己以前不會輕易感到憂慮，但如今哪怕只是一些小事也可能令他激動流淚。

威廉與凱特希望子女可以正常成長，他們早前宣布佐治(Prince George) 會入讀一間鄰近他們鄉間居所的平民幼兒園，上星期小王子已經第一日返學喇！威廉王子同太太親自送小王子返學，仲好溫馨幫小王子影低紀念性一刻，小王子睇黎都好開心，一點都唔驚，甚有大將之風呢！

小王子同其他平民小朋友一齊讀書，就連返學嘅校褸都好平民化，來自英國老牌百貨公司JOHN LEWIS，呢件海軍藍色中褸仔由返學相曝光後已經賣清光。

威廉王子強調，他不希望子女在深宮裏長大，「到外面了解世界在發生什麼事情，是很重要的」！

（源自每日電訊報）