媽媽們都睇到眼濕濕 細數《BB來了》夭心夭肺金句

今個星期大台上映的《BB來了》引起媽媽界熱烈迴響，好多媽咪都覺得此電視劇「好寫實」、「睇到眼濕濕」。劇集入面嘅「金句」更加係講中好多媽媽嘅心底話，你又最buy邊一句？

老公說：「有冇咁易中啊？」

當李佳芯飾演唐恬兒發現自己「中獎」時，老公葉致廷（黎諾懿飾）的第一個反應竟然是：「有冇咁易中啊？」，並沒有表現出喜悅的神色。

老婆說：「你知道一個女人懷孕代表啲乜？係事業、身材、樣貌各方面即時All In！」

唐恬兒向老公葉致廷訴說得悉懷孕後的感想時，講出了這句說話。

外父說：「女人由大肚開始，根本就係一隻雞乸，雞乸為咗保護雞仔，係不惜一切，義無反顧。」

當葉致廷向外父（羅樂林飾）訴苦時，外父以過來人身份說出了他的心聲。

上司說：「你有冇見到公司A組個女同事，佢有咗之後面黃、色斑、多瘡、水腫、鼻大、妊娠紋，乜都有齊，仲重咗四十幾磅，成架航空母艦咁！」

唐恬兒向上司表明自己懷孕，要放棄去歐洲工作機會時，上司苦口婆心說出以上的話，對她為生孩子放棄升職機會感到可惜。

資深媽媽說：「62即係老爺，99即係奶奶，至於C6，咪係「死佬」囉！」

唐恬兒第一次參加「媽媽谷」聚會，媽媽谷管理員向她解說「港媽王國」的密碼背後意思。

兩口子知道有了BB之後，即時去搜羅BB用品，劇集後來又交代二人這樣做是為了不讓自己胡思亂想不要BB。

小夫妻發現有BB之後顯得不知所惜，更萌生放棄BB的念頭。

盧宛茵的奶奶角色入型入格。

圖片：TVB電視截圖