深水埗Omakase｜父母要求幫細路煮熟魚生即製麵豉湯撈飯！網友見證廚師發辦4大屈辱

近年Omakase廚師發辦越開越多，就連 facebook也有人開設了「香港 Omakase おまかせ 關注組」分享食後感。日前關注組有網友貼文分享，指有家庭帶同小朋友一齊食Omakase，竟連環提出無理要求，要師傅為小朋友將魚生煮熟，又要求提前煮起麵豉湯讓小朋友「麵豉湯撈飯」，將原來由廚師話事發辦的Omakase完全反轉。事件令到關注組網友議論紛紛，有網友更直指師傅不斷滿足食客無理要求是「失去尊嚴」、「天大屈辱」，認為此風不可長。

4人訂座「4大1細」用膳 「已經唔係好啱規矩」

香港近年非常流行日本料理，當中Omakase「廚師發辦」又稱為「無菜單料理」，由師傅每日嚴選最矜貴、最新鮮食材設計獨一無二菜單，收費動輒數千元，相當矜貴。Omakase「廚師發辦」越開越多，豐儉由人，若非晚飯時間，一些日本料理店的Omakase，幾百元都有交易。今次事件發生於深水埗一間於區內相當有名的壽師店「宗像屋」，餐廳每個時段只能招呼6名客人，事主2人共膳，另一組人則是4大1細，事主眼見對方已唔係好啱規矩，之後該食客連環提出無理要求，令事主看到傻眼：

無理要求1：有冇兒童餐？可唔可以煮熟晒啲魚生？

事主見到食客甫坐下即提出令人驚訝的要求，首先問師傅有沒有供應「兒童餐」，然後又要求師傅將所有魚生煮熟。師傅稱Omakase有既定Menu，拒絕了事主要求。

無理要求2：點解我朋友隻生蠔同我隻差咁遠？

鄰座的食客一直令到事主不能專心進食，他又聽到鄰座的食客向師傅詢問奇怪問題：「點解我朋友隻生蠔同我隻差咁遠？」此時師傅作出得體又合理的神回覆：「因為隻生蠔係天生，係會有少少差別。」該名食客感到沒趣，最後竟說：「唔緊要啦，我都唔食生蠔。」但事主沒有交代那隻「唔食」的生蠔最後是否由朋友吃掉。

無理要求3：幫小朋友整麵豉湯撈飯

不少食客都知道，該店的麵豉湯會在最後一道菜食完後端出給食客享用。鄰座的食客也知道這個慣例，但食到中段已提出要麵豉湯，更要師傅在麵豉湯中加入米飯，讓小朋友可以「麵豉湯撈飯」。這位食客已被師傅連環拒絕多次，今次終於得逞，師傅雖然已指出店中供應的是帶酸味的醋飯，食客也表示不介意，要師傅特製「麵豉湯撈飯」給小朋友享用。

無理要求4：燒熟中拖羅壽司

鄰座食客之前要求煮熟魚生，被師傅拒絕，及後又再要求師傅，將供應的中拖羅壽司燒熟，變成火炙中拖羅壽司。這次師傅又再屈服，將拖羅壽司燒熟。

事件曝光後不少網友都議論紛紛，有網友認為餐廳「無尊嚴，個客話咩就咩」、事主就回應師傅只係想畀面客人，又因為有事主等人在場，所以以大局為重、大事化小；又有網友認為不應亂改餐單，建議可額外追加烏冬給小朋友食用；又有網友感歎現時Omakase越開越多，已經「做爛晒」，感覺與茶餐廳冇分別。

在這位網友的分享當中，事主強調小朋友其實十分聽話，反而是家長行為令人側目。不過觀乎事主所描述的一切，事件中大人和小朋友都未能夠盡情享受到食物的美味，似乎也是浪費了師傅的一番心血。大家又是否認同事件父母的做法呢？