率先踩場｜2018 BB展優惠巡禮

荷花BB展由今日起至星期一（8月3日至6日）於會展舉行，作為媽咪當然要把握機會拿取最多優惠！到底今年BB展與往年有咩分別？想買到心頭好一齊嚟睇睇小編嘅報告啦！

1. 預先登記，免排長龍都可攞到禮物

去BB展經常要排長龍，但今年好多攤位，例如美素、美贊臣，都可以預先上網登記禮物，咁就可以縮短排隊時間，而且可以確保可以換領到心水禮物。

美素每年嘅BB展優惠都十分豐富，今年登記入媽咪會就可以得到牛牛沙灘帳篷，好啱夏天！而準媽咪更可以得到媽咪奶粉試用裝、參加「準媽媽實習坊」更可得到牛牛咕?被；小朋友玩遊戲就可得到實用牛牛杯。

至於加固BB嘅媽咪更可以去Hall 3 參加試食米糊活動，喺facebook開心share更可以獲贈感溫匙羹，非常實用。

美素預先登記領取牛牛帳篷 https://goo.gl/inAcyt

美贊臣嘅優惠都十分吸引，除咗現場買奶粉有折扣優惠之外，額外贈品都好有睇頭，包括 8 罐送Le Creuset琺瑯鑄鐵（22cm）及陶瓷餐具套裝、12罐送Dyson Supersonic 風筒等！不過最好喺下面網站登記咗先去會場攞禮物，咁就一定萬無一失。

美贊臣優惠詳請 https://bit.ly/2L8sd8s

2. 鎖定心頭好，面對贈品要保持清醒！

每年BB展雖然都可以拿取大量紀念品和贈品，但贈品多數係試用性質，雖則着數但份量唔多，根本不可能達到慳錢目的。加上想得到贈品都要聽「宣傳大使」sell產品，消耗極多時間同戰鬥力。

其實行BB展最主要係捕捉平時使用產品於會場的限量優惠，所以最好事先於愛用產品嘅網站 / 面書專頁做定功課，訂下主要購買目標，咁就可以真正買到有用嘅產品。

部份BB用品更以低至六折發售，（左）ATLAS 輕便嬰兒手推車 (原價: HK$1,980 限量價: HK$1,180)；HEBE 高景觀輕便手推車 (原價: HK$2,380 展會價: HK$1,780) （both from b&h ；W09攤位）

3. 拖篋 ＝有用？其實未必...

每逢大型展覽都見到大量「拖篋人士」左穿右插，企圖用行李篋盛載大量產品。小編眼見現場大量拖篋人士，其行李都是空空如也，而有些媽咪則拿着幾箱產品，有媽咪甚至用手推、用腳踢，才能勉強前行（好難想像點踢到返屋企⋯）。其實BB產品不如書展的圖書，當中如尿片、玩具等，即使有篋都未必裝得落。

就算帶了充足現金，都未必有能力將東西運送回家。其實不少攤位都有送貨服務，花了錢未必要直接拎回家。部份不能「宅配」的產品，自己也未必有能力拿走，最好找BB爸爸或者家中壯丁幫手，才可以將最多的心儀產品帶回家。

4. 照顧小朋友需要

如果帶小朋友行BB展，事前要做足準備。會場亦有很多「BB友善」的設施，例如哺乳室、換片區等，方便媽咪。不過如果真的想掃貨，最好想清楚時否要帶BB同行。平時帶B出街自己想買些日用品都難，去BB展帶BB，其實也令到自己很難專心購物。

小編也試過帶仔仔一齊行BB展，最後只買到一、兩款自己的心水產品，甚麼吸引的贈品、會場優惠都很難排隊得到，所以大家帶小朋友同行之前最好三思而後行吧。

會場十分貼心，有餵哺區照顧媽咪需要。

另外又設有換片區。

今日係BB展第一日，小編甫進入會場已見到有明星踩場，行近發現係《BB來了》金牌陪月楊卓娜，仲有細妹楊怡一齊為惠氏S-26活動撐場。近期《BB來了》大熱令楊卓娜人氣急升，知名度直迫細妹，唔知幾時到楊怡「BB來了」呢？品牌現場買嘅奶粉有75折，而且有行李箱、實用家品等贈品。

惠氏 S-26 優惠詳請 http://bit.ly/2mADtvo

雅培攤位呢隻超大啤啤熊真係搶 fo 又吸睛！而品牌會場優惠都十分吸引，除咗會場優惠之外，贈品有Le Creuset Baby餐具套裝、滑板車、20吋實用幼兒行李箱等等，而且入會未消費，已經可以即送可愛啤啤熊公仔。

雅培優惠詳情： http://bit.ly/2AAp10o

有別於其他奶粉品牌，illuma以送cash coupon作招徠，買六罐送HK$700現金券，即每罐回贈超過HK$100，萬寧攤位送SOGO現金券、屈臣氏送citysuper現金券、Market Place by Jasons攤位送Starbucks現金券、百佳攤位送又一城現金券，而華潤堂則送誠品現金券。不過據聞現金券數量有限，早啲去似乎較着數！

illuma優惠詳情 http://bit.ly/2mADtvo

除了各大奶粉商重頭送禮，現場亦有不少嬰兒用品、supplement的推廣優惠。