網絡熱話｜知識難以改變命運？資深補習哥哥感嘆30個學生只有1個基層細路入到U！網民感嘆住屋邨冇幾多個考到大學！

不少父母都大灑金錢讓孩子補習，希望能以知識改變命運，但能夠扭轉人生，攀上上流社會的基層學生又有幾多？早前一位「補習哥哥」於討論區DCard分享帖文：「做補習真係見識到家境對小朋友嘅影響」，於網上引來熱議。

資深補習哥哥感嘆基層細路難入U

補習哥哥表示，自己自讀大學一年級時開始幫小朋友補習，到現在修讀PhD第三年，期間為約30個小朋友補習，他發現一個無奈的事實：「最後dse考得比較好嘅學生，普遍都係中產以上出身，父母都大多有大學文憑，基層學生即使肯勤力，好多時候都受到好多干擾。」

這位網友進一步分享了一次印象難忘的補習經驗：「最極端試過我幫一個學生補緊習，佢爸爸媽媽突然間唔知乜事係(喺)個廳講晒粗口嗌交，有我一個外人在場尚且如此，好難想像平時點。」他又為曾教授過的 30 個學生作粗略統計：「咁多年係見過一個基層學生最後取得佳績，入到poly醫療專科，叫做改變命運。」

在 Instagram 查看這則貼文

BU女生：好多同學住私樓

此帖文一出，令到不少人有所感觸，發長文回應，有同學表示父母出錢讓孩子補習，已是一種優勢：「起碼仲有錢私補….咁我可能係低低低低層，因為冇錢補習…」另外有女同學指自己讀Band 1中學，大部份同學都出身基層，但升上大學後才發現殘酷真相：「本身中學讀普通Band1，但住公屋嘅人數係多過住私樓，最後DSE嗰陣可以考到八大嘅嗰班大部分都住私樓，一升上U之後就發覺身邊D人大多數都住私樓，公屋反而好少。連BU都咁，難以想像三大入面嘅情況係點。」另外有出身貧窮考上大學的學生留言，自己以「優惠價」為基層學生補習：「知道基層家庭經濟好困難，啲學生通常係好學上進嘅，所以我公屋學生通常收<$150」。

延伸閱讀 >> 兩孩之母在職媽媽 義務為小朋友補習英文

BBC紀錄片追蹤 9 個「人生七年」見證貧富世襲的殘酷現實

社會階梯難以攀越的情況，當然不只在香港發生。以社會階層與兒童成長為主題研究的著名作品，要數BBC著名紀錄片《人生七年》（7Up）。這套紀錄片自1964年開始，記錄了14位英國當時7歲的兒童之生活，直至2019年播出系列中的第9部，已經追蹤拍攝了56年。在一眾被追蹤的孩子當中，能夠打破宿命攀上上流的，實在少之又少。