網絡熱話｜懷孕被炒魷遭老公埋怨：點交租食飯？ 網民斥男方食軟飯當老婆係搵錢機器

對於打工仔來說，「魚唔過塘唔會肥」。不少人在轉新工後發現懷孕，都會過了試用期才告知公司，怕丟了工作。近日有女網民發文分享，指轉工後發現懷孕，早前通知新公司後因身體不適請病假，最終被炒魷魚。可是，老公沒有任何安慰反而責怪妻子，更叫她找新工作：「你一定唔可以唔返，你唔返我哋點交租食飯！」，令她心淡直言自己是「搵錢機器人」。事主慨嘆婚後才認清老公為人，明言對這段婚姻感到後悔，希望在產後離婚。

這位約30歲女事主早前在「香港討論區」中發帖文，表示自己於婚前已因金錢問題心存芥蒂。她與老公結婚前同居，當時她月入4萬，老公則月入2萬，每月會給她1萬元作家用，其餘日常使費包括每月1.8萬元租金、水電煤、電話費、買餸、外賣、保險，以及雙方父母共8,000元家用，全由女事主負責，因此她形容「每個月一蚊都冇剩」。

她又指老公一向沒有積蓄，當年婚禮10多萬元開支都是由她負責，莫說給禮金，即使是二人在外國買樓的首期都是由事主支付，卻是二人共同擁有。「搬屋、租樓、畀按金、買傢俬又係我出，佢一蚊都冇出過，佢仲成日叫我同香港銀行借錢畀第2層首期。」因而令事主不滿老公，同時開始覺得「有啲唔妥」，甚至明言結婚初期已感到後悔。「我個心其實都有啲唔服，因為我老公覺得我有啲錢，所以我出係完全冇問題，但我覺得男人係咪應該有啲責任感」。

想留家安胎卻遭老公反對  大感失望！

事實上，婚後情況沒有好轉，他更得寸進尺。事主表示自己剛轉新工便發現懷孕6周，每天都孕吐5、6次，而且全日都有反胃感覺。她曾暗示自己想留在家中安胎，竟被老公一口拒絕。「佢答我『你一定唔可以唔返，你唔返我哋點交租食飯』，咁其實我都知道我唔可能（唔）返，不過佢完全冇考慮我感受，令我好失望。」

懷孕請病假遭公司解僱  老公竟埋怨自己

事主在懷孕10周時通知公司老闆，亦因身體不適請了1日病假卻遭公司解僱，但因未過試用期故不算犯法。老公得知後沒有任何安慰反而責怪她因請病假失去工作，「唔好請假保住份工」。事主感心酸：「我個心真係好唔舒服，佢而家似當我係搵錢機器人咁」。

後來老公更要她早日找到工作：「咁你想我點？唔通返多份工養你哋？我而家返一份已經好攰，而家我份人工係得咁多，唔係我想要多啲就有多啲，總之你點都要搵到份工，人工低啲都要做住先。」事主認為情況愈來愈嚴重，也曾嘗試跟老公溝通，可惜他完全不覺得自己有問題，「所有事件加埋，我可以話已經死心，唔期望佢會對屋企負咩責任。畀我再揀一次，我一定唔會揀一個需要我做經濟支柱嘅男人」。

事主明言產後會離婚

事主直言遭公司解僱，加上老公現時失業，令她大失預算。慶幸目前她已找到一份新工，並向公司說明懷孕狀況，但經常要加班，每天工作10至11小時。她感慨不知能否過試用期，只能見步行步，但明言生育後會跟他離婚。

網民怒斥丈夫「食軟飯」 太自私！

不少網民看到帖文後，直斥事主丈夫「食軟飯」、當她是工具人，「你呢個老公真係好差，你有咗小朋友完全都好似冇再體貼你」、「替你傷心，嫁咗一個超級自私鬼」。指二人未生育已有意見分歧，建議她們要好好溝通，亦有網民著她直接離婚，以免被丈夫拖累一輩子。