英國置業Jason Ou(12)【英國擴建住宅可為物業大幅增值】

2020年英國樓價創新高，過去嘅12個月樓價上升咗5%～6%，平均樓價達到 £250K。隨着印花稅假期延遲到6月30日，目前樓市沒有看到降溫的跡象，特別係二手樓freehold house一放上市場基本上五日之內就有offer。

疫情期間，經歷過三次lockdown，愈來愈多英國人從倫敦市中心的公寓搬到外圍的house，因為空間大仲有前後花園。現在work from home 的趨勢似乎有增無減，估計疫情之後仲會有一部份專業人士選擇在家返工，今日想同大家分享一下有乜嘢方式可以擴建增加室內空間，同時令到層樓增值。

因為公寓的室內面積和結構受一定的限制，而且大業主未必批準，所以擴建的工程都係以house為主。而增加室內面積最常見的方法是loft conversion(閣樓改裝)，只要loft夠高，無論你係獨立或者排屋都可以做到。建議屋頂最低為2米，其實2.5米或以上係最適合將屋頂閒置的空間改建成為一間舒適的套房。以倫敦和周邊地區為例，loft工程費用從£45k起，面積可以達到50平方米，而擴建出嚟嘅一間雙人房帶洗手間會令到屋價升值達到23%。

第二種普遍的擴建方式single storey extension(單層擴建)，通常將廚房和客廳的位置向花園延伸出去3米或更長，通常做一個超大開放式廚房和加寬客廳面積去提供休閒空間。如果係detached 獨立屋和大花園的話會更加正，有多種不同的擴建風格任君選擇，而且可以延伸出去更加長。

第三種為Garage conversion(車房改裝)，屋主好多時候會選擇將私家車停泊在街道或者driveway(前花園的位置)，車庫攞嚟做雜物房實在浪費。所以可以將車庫改建成為study room、單人房、遊戲房等等，估計增值達到15%。

第四種為conservatory後花園的玻璃屋，得閒可以約上三五知己下午茶，亦都係增加空間成本最低的方法，而且令到層樓增值達到10%。

第五種為 summer house，可以在後花園尾部起一間平房， 材料可以選擇木屋或水泥， 此類型建築絕對係work form home和用作辦公室的不二之選，亦都可以用來做健身室、影院等等。

以上係5種係最常見的擴建和樓宇增值方式，因為好多時候不需要同當地政府申請full planning application，而且係under permitted development，如果不在conservation area(保育區)範圍內可以立刻同council 和鄰居通知一聲，基本上就可以開工，簡單快捷！

值得一提，以上提及的single storey extension係唯一從室內擴建到室外而且有可能提供到居住空間和影響到隔籬鄰舍（排屋和半獨立房型牆貼牆）。根據party wall act 開工之前一定要同左鄰右舍打聲招呼和寫一封信通知。

當然仲有其它擴建方式，但係要申請full planning application，例如side extension、 two storey height back extension、under garden basement、cellar 等等任你選擇。以上所提到的大大小小工程喺你開工之前一定要做足功課，睇吓當地的building regulation，查詢則師的意見。仲要睇下當地樓價及樓宇供求，如果係北部城市地多人小的荒蕪地區做擴建工程就只會事倍功半！

本文作者Jason Ou

大學主修經濟，移居英國22年，任職房地產投資行業超過十年，現為英國 Global 32 物業公司創辦人。

昔日文章：英國置業Jason Ou

fb@Global32UKproperty