金宵大廈｜靚寶半歲入行史上最細「男一」！身世可憐因非純種被棄養 打破黑色不祥貓宿命成為貓明星

《金宵大廈2》將於下月初播映，除了兩位主角李施嬅、陳山聰惹關注外，《金宵大廈》故事中另一主角黑貓「靚寶」亦會在第二集中繼續出現，爆發神級演技！

靚寶的真名叫Mavis，當年拍《金宵大廈》入劇組時只得半歲！雖然靚寶今日貴為人見人愛的明星貓，原來牠的身世十分可憐，出世時因為配種錯誤被棄養，兩個月大被主人Melaine領養時更不幸染上貓癬。幸好在主人積極為牠治療，康復後更成為貓明星！如今Mavis已經大個仔，更出產了「星二代」，家中亦有一位兩歲大的BB妹妹！

靚寶因非純種被棄養曾患嚴重貓癬傳染主人

靚寶原名Mavis，是主人Melaine在牠兩個月大時把牠帶回家中。原來靚寶的身世十分可憐，牠是貓隻繁殖時錯誤配種得出來的混種貓，靚寶爸是英國短毛貓、靚寶媽則是暹羅貓。靚寶出世時牠的兄弟姊妹全是英國短毛貓的模樣，外表優雅；只有靚寶是全身黑色。由於不少人傳統上覺得黑色貓代表不吉祥，Melaine怕牠沒人要，就把靚寶帶回家。「媽咪都話黑色唔吉利，又話佢黑忟忟見唔到表情，但係我覺得佢同普通貓冇分別，同埋我鍾意黑色。」

Melaine把靚寶帶回家時只有兩個月大，就發現牠生癬，頓感手忙腳亂：「因為貓的皮膚病好易傳染，連我都染到皮膚病。由於之前未養過貓，一切都要從頭學起，幫佢沖涼，帶佢睇醫生，餵藥時都擔心用藥過量，幾個月貓B會頂唔住。」幸好在Melaine悉心照料下，靚寶的皮膚病終於痊癒，不久之後更加通過電視劇的casting，成為《金宵大廈》的靚寶，正式出道做貓明星。

靚寶與狗狗一齊長大性格似狗仔聽話任人摸

大家都知貓的性格高傲未必聽人講，但靚寶卻與別不同，原來Melaine家中有養狗狗，靚寶與狗一起長大，性格反而似狗，聽話、文靜，輕易做到拍劇時給牠的指令，也不怕陌生人。

李施嬅與靚寶合作無間，鍾意牠「任摸唔嬲」，她更指靚寶才是劇中的男主角，陳山聰只是男二，十分搞笑。

靚寶細細個已有星二代 仲有一個BB妹妹

原來靚寶接拍《金宵大廈》時只有半歲，主人都怕他太細隻，不符合要求，但後來又順利通過了。大家如果細心睇劇，可能都會發現靚寶有些時候在鏡頭下size較細，但其實是因為牠真的是未長大的美少年！不過到拍第二集時，靚寶已經長大，而且已娶老婆，更生了星二代，十分犀利！而主人Melaine自己亦成為新手媽媽，她笑指女兒是靚寶的妹妹，與靚寶也有不少互動！

在 Instagram 查看這則貼文

靚寶媽Melaine經常帶着靚寶拍戲，好似靚寶的經理人一樣，與牠也有一份特別感情。靚寶媽笑指靚寶很黏人，經常跟着她，反而與老婆仔女少交流，甚至經常被欺負。靚寶經常在幕前工作，又不怕生保，人見人愛，靚寶媽對牠有着一份特別的感情，似乎比家中其他寵物更窩心，在訪問片段當中，Melaine說起靚寶也眼泛淚光：「動物生命好短暫，如果有機會都想再拍，都算係一種紀錄。」

靚寶與老婆（圖左）生了四仔女，已經有星二代！

在 Instagram 查看這則貼文

靚寶雖然與老婆仔女少有交流，與主人及觀眾反而有着微妙的緣份。就因為一路走來的獨特經歷，造就了與別不同的靚寶！很快我們就可以在《金宵大廈2》見到靚寶的精彩演出，未知今集牠有沒有驚喜帶給大家呢？

靚寶明星合照相集：

靚寶身世之謎：

圖片：靚寶媽IG、李施嬅IG、陳山聰IG