- hot topics
- by debby fan
- 26/07/2016
雖然小編覺得屋企果隻「真人小精靈」已經夠我24小時「捉」，但都不得不注意到全城為之瘋狂的Pokémon GO 風潮。
Pokémon GO為日本任天堂授權遊戲公司負責開發的手機遊戲，根據著名日本動畫《寵物小精靈》改編。遊戲率先在澳洲及新西蘭推出，隨後歐美等地都陸續開放，亞洲部分，日本版於上周五啟動後，香港成為亞洲第二個開放地區，並於5小時內搶佔下載榜榜首，而昨日一日之內Google搜尋中Pokémon GO搜索次數達20萬次以上！
以下集齊大家最想知道的 Pokémon GO Q&A ，請笑納。
1.首先，如何知道附近有小精靈？
要一直開啟程式，如果遊戲不在運行狀態，係不會搜尋附近小精靈既，當手機震動時表示附近約1公里有小精靈。
2.如何捉比卡超？
據玩家表示比卡超出現場景及時機貼近原著故事情節。FYI。
3.如何集齊所有小精靈？
遊戲內有成一百幾隻小精靈可以捕捉，點先可以集齊？據聞遊戲將開放交換精靈功能，可以同其他玩家合作完成捕捉所有小精靈，不失為一個team building 的好活動。
4.用晒精靈球點算？
在銅鑼灣、尖沙嘴等人流密集的地區或景點(例如維園、文化中心、各大商場等)，查看地圖上的PokéStop，走近並按下螢幕圖示，即可收集精靈球或補充體力的藥物。或直接「課金」購買精靈球。有些公營機構例如醫院、政府建築等，不過唔建議特登過去收集呀，畢竟是救人同較嚴肅的地方。
5.玩 Pokémon GO是否影響身體健康?
是。
醫生表示，平日少運動的人士，玩Pokémon GO時最好著有避震功能的鞋，長時間低頭用手機亦會增加肩頸膊痛、手指關節勞損的風險，建議每玩20分鐘，就要做伸展頸部同手指的運動，同埋畀對眼休息，一旦有頭痛、頸痛的症狀又應該暫停玩遊戲，大人同小朋友都係。而小童每日睇電視加玩手機遊戲的時間要限制在最多兩小時。
6.玩 Pokémon GO是否造成生命危險?
自遊戲在各地開放後，全球出現大量「訓練員」外出捕捉精靈，外國已有玩家不幸發生意外，例如美國有一名21歲司機在當地時間周日早上，駕車外出捉小精靈時撞車，亦都有玩家在山區跌入懸崖，樂極生悲。
7.因為玩Pokémon GO而闖入私人地方有冇罪？
有。
有法律界人士指出，如果行為構成滋擾或令附近人士感驚嚇，或涉犯「遊蕩罪」或「公眾地方行為不檢罪」。如果罔顧其他人安全而造成意外，「掛住打機」並唔係合理的解釋。
8.玩Pokémon GO仲有無其他隱憂？
當然有。根據Google Play系統資料，Pokémon GO存取手機權限包括玩家身分、位置、同檔案(包括相片)，用戶生活行為等同受監視。
玩遊戲係調劑身心的方式之一，不過正如世上所有野一樣，凡事要適可而止呀！(小編的媽媽經又不經意咁出現喇..sor~)
(圖片源自互聯網)