- hot topics
- by sue wai
- 03/04/2023
【成人教科書】讀書識字是小朋友主要任務之一，但是人生不是所有事都如讀書一樣，可以在教科書中找到標準答案。最近TVB推出由洪永城主持的綜藝節目，由這位新手爸爸引領23個小朋友一齊進行種種校外體驗，當中圍繞「男女」、「生死」等人生課題，多個集數成為城中熱門話題。
《成人教科書》小朋友主動提出化死人妝 洪永城分享「冇人肯做」
《成人教科書》日前播出「生死教育」做主題的一集，年僅11歲的陳穎朗小朋友，提出想瞓棺材及體驗遺體化妝：「我覺得同平時瞓覺差唔多，純粹唔會醒咁解」、「遺體化妝唔係好恐怖嘅事啫，每一個人最後都要經歷一次，但係經歷咗又唔知係點，所以我就想親身體驗一吓。」
陳穎朗的主意令父母感到猶豫，連節目主持人洪永城亦指出，找人幫小朋友「化死人妝」，不少人都因覺得「不吉利」而拒絕，反而陳小朋友卻十分豁達：「其實我試咗又唔代表我會死，我唔試又唔代表我唔使死，我覺得係一個好好嘅體驗，唔係每個人都有得試。」
除了遺體化妝外，穎朗同時體驗了百日宴Style的王子式化妝，對於兩大妝容，他全盤欣然接受：「兩個意義都差唔多啫，都係想靚啲」。
延伸閱讀 >> MIRROR寵物圖鑑｜邊個最得鏡仔寵愛？細數MIRROR成員的摯愛寵物
《成人教科書》小六生化妝想做Anson Lo盧瀚霆 點知變咗Edan呂爵安
除了「化死人妝」一集之外，之前一集講小六男生學化妝，亦引來許多人熱烈討論。該集主題是討論男女角色話題，安排了一位11歲，就讀小六的蔡同學加入「男孩扮靚室」，蔡同學有幸於節目當中接受扮靚大改造，他自言希望可以模仿偶像Anson Lo 盧瀚霆：「如果可以扮靚好似Anson Lo咁，我都幾開心嘅。」
就連呂爵安本尊也轉載了小朋友的變妝故事。(圖片來源：IG @ edanlui)經一輪化妝及set頭後，蔡同學的造型，竟被一致認為激似Anson Lo在MIRROR當中的隊友Edan呂爵安，十足迷你版Edan，就連呂爵安全尊都在自己的IG限時動態轉貼片段，並寫：「想變Ansonlo點知變咗Edan」，相當搞笑。
10歲何朗怡小朋友學習「性別斷捨離」，朗怡被逼捨棄物性別象徵的「公主」、「毛公仔」等物品而變得「眼濕濕」。
《成人教科書》節目於TVB 翡翠台逢星期一至三晚10:30 播出。每一集都帶出一些小朋友教科書當中沒有提及過的課題，這些題目不單讓小朋友上了難忘的一課，也讓大人一起反思一些人生命題。