淘寶寶衣服小分享

雙職媽媽很忙，連出街shopping的時間都沒有，唯有寄情淘寶。

上至衣服鞋襪、下至玩具美食，我都敗得好精叻！
在淘寶的積分裏，我快要成為金鑽會員，所以計落，我都淘得幾兇狠！話哂我接受過《tao淘寶天下》雜誌訪問架！

淘寶有好有唔好，第一好：便宜；第二好：多選擇；

第三好：省時，尤其我這類要上班的媽咪，平日下班趕回家湊仔，放假都將所有時間盡情比哂孩子，所以，我真的沒時間出街購物呀！唯有寄情淘寶，買多 D 衫仔比皮皮，等佢著得型仔ｄ！

至於品質，大家要留意！在選小朋友衣服時大家可留意淘寶店舖有沒有證書，有些會有內地的品質證書，質料適合小朋友穿著；另外選擇「天貓」店子，在內地是有認證品牌的商店，所以質料會靚ｄ有保證ｄ。

另外在決定買衣服之前可以先看看買家的Comments，同一件衫睇多幾間比較下，比較價錢和評論；而質地是看不到的，不過價錢有時可以反映好與壞，有時同一件衫未必會選最便宜的一件，最平的可能貨到中雷，質料和Cutting都差，就得不償失了。

仲有最好買大一至兩個size，因為預左縮水，同埋媽媽心態買大好過買細／適中，以我淘小朋友衣服的經驗，大部份衣服都偏小的，就算拿到實物偏大，都可以留在下季著丫，小朋友大得好快架！

除了衣服，還有用品、玩具等小朋友東西都可以從這方面去淘架！還有我會比較相信商譽較高的店子，例如:「 金冠」 店是最勁的！多看買家的評語，就減少淘雷品的機會了！

今集寫住咁多先。淘寶如繁星，有排都寫唔哂！

如果各位媽媽在淘寶上有什麼問題或集運、退款等等淘寶疑難雜症都可隨時問我！

謝謝收看><