轉季鼻敏感、痰多食乜好？轉季鼻敏感茶飲食譜｜林冠傑醫師

現時正值轉季，令到大人與小朋友特別容易出現鼻敏感的情況。這種症狀，似乎要等到真正轉季入冬，才能得以舒緩。

香港中文大學中西醫結合醫學研究所客席副教授林冠傑中醫師指出，除了鼻敏感之外，轉季亦容易出現痰多、呼吸不暢的情況，加上現時不少小朋友返學仍佩戴口罩，呼吸不暢問題就更加嚴重了。此時，建議大家多些洗鼻、清潔鼻腔，以清除致敏源，便可輕鬆舒緩處理鼻敏感問題。

林醫師亦為大家提供一款既可補氣，亦可以化痰去濕茶飲，做法簡單、老少咸宜，大家不妨一試。

鼻敏感食譜：桑葉菊花茶飲

療效：針對鼻敏感、易乞嚏、鼻部易充血、易流鼻水或乾燥等不適。
材料：桑葉五錢、菊花三錢， 辛荑花三錢（後下打碎布包）、冰糖 / 片糖 / 黃糖適量

紓緩鼻敏感茶飲製作方法：

將桑葉、菊花等材料放入杯中，滾 20 分鐘，辛荑花後下，焗 5 分鐘，加入黃糖後即可飲用。

林冠傑醫師提醒大家，部份人飲用此茶後可能會有眩暈感覺，是因為此方通鼻療效顯著，但身體虛弱之朋友，需要加少量黃糖，以減少辛涼之味道，令茶飲更易入口之餘，亦可防止易致眩暈的情況。

大家可以參考之前介紹過的補肺燉湯食療（昔日文章：蟲草靈芝增加免疫力？），讓一家人強身健體，安然渡過轉季天氣，在疫症期間強健體魄。