加拿大移民專欄 (2) 錢的力量

撇清咗「人物關係」之後，楊媽媽個人覺得第二樣大家最想知嘅就喺錢方面嘅問題。

係咁嘅，買屋，買車同買餸呢啲，平有平買，貴有貴買，睇你個人選擇嘅啫，可以留番遲啲再講。今日楊媽媽就想用兩件比較「貼身」嘅事情畀大家感受下喺唔同省份同一嚿錢會有差別嗎：

假設A先生收入五萬加元，喺唔同省份工作稅後收入有差嗎？如果A先生收入升至十萬加元，又有差嗎？

圖表中可見，當呢位A先生收入5萬加元時，於不同省份稅率由14%至20%不等，繳稅後收入相差有 2,800加元！如果佢努力工作收入翻倍達10萬加元，稅率更跳升至23%至29%，佢交嘅稅最大差額更加達 6,301 加幣。

（註：紅色是大家最愛移民的兩個大熱省份，綠色是新興的草原省份，而藍色則是估計未來大方向的海洋省份。)

然後，A太太想攞A先生份糧去買個包包，情況又有差嗎？

嗯，知你未習慣睇加幣的，以上全部用六算轉換成港幣大概如下：

每個省稅後收入同支出係咪差好多？加拿大税係咪真係好重？每個人觀點與角度不同，楊媽媽不想作評論。就等你自己用以上參考資料來決定有冇影響到你移民加拿大同揀邊個省市的選擇吧～

至於點解楊媽媽係而家嘅城市落戶，又係另一個長篇故事了！

吖，唔記得咗講，其實你過咗嚟之後，可能都覺得再無需要買呢個包包了 - 因為平時出街有梳頭已經好俾面㗎喇！（笑）

上一篇 >> 加拿大移民專欄（1）香港人人人都有加拿大親朋戚友？

本文作者：楊媽媽

人稱楊媽媽，兩孩之母，she.com元祖級會員。小學畢業後移民加拿大，落地生根。著作有《隨時入籍．寶寶愛移加》（2019），與香港人分享移民加拿大實用資訊。

fb@隨時入籍。寶寶愛移加