STEM獎勵計劃頒獎｜得獎小朋友分享睇電視學STEM趣味學習心得

由now TV主辦「STEM獎勵計劃頒獎典禮2021」於今個星期二舉行，小朋友於今年暑假收睇一系列STEM學習組合節目、完成工作紙、親手做實驗，以及閱讀STEM有關書藉等任務，參加人數逾千人。大會最後選出10位金獎得獎者，其中一位更成為最傑出大獎得主。

小編訪問了最傑出大獎得獎者，以及其中三位金獎得獎者，分享他們的學習趣事。從小朋友的分享當中，我們聽到他們透過STEM貼地的生活題材，以及電視有趣的表達方式，學到許多課堂以外的實用知識。

由多位評判選出最傑出大獎得主，得獎者的參賽作品是一個火山爆發模型。評判對他的表現印象深刻，其中一位評判表示：「我問佢呢個模型同真嘅火山爆發有乜嘢關係，佢話冇。之後再問佢真正嘅火山爆發係乜嘢原理，佢都可以好清楚咁解釋畀我哋聽。」這位小朋友的博學令評判留下深刻印象，令他奪得最傑出大獎。

最傑出大獎得主，來自佛教林金殿紀念小學，六年級的馬嘉文表示：「呢幾個月好努力睇片做工作紙，都算係一分耕耘一分收獲。」馬同學表示今次是他第一次參加大型比賽，他回憶自己做實驗拍片過程，並非一次就成功：「過程失敗咗幾次，不屈不撓，最後都成功咗。」馬同學用泥膠造成火山模型，加入梳打粉和醋，再加入含有檸檬酸的汽水製造附加效果，模擬火山爆發場面。

得到全場最大奬，連校長、老師都喜出望外，與媽咪一起陪他出席頒獎禮，不過馬嘉文同學表現仍然十分淡定，小編覺得他穩重乖巧，直情有大老闆的氣場！

大獎得主媽咪：佢做功課好快手，鍾意睇書

馬同學的媽咪表示，兒子在三年級開始已對STEM產生興趣，STEM Sir出過十幾本書都看過，除咗STEM之外又對昆蟲、生物有關書藉特別有興趣。「仔仔平時做功課好快手，考試成績都喺十名之內，所以都放手畀佢發展其他興趣。佢細個時有帶佢去圖書館，發現佢特別鍾意睇書，佢鍾意嘅書都會買畀佢睇。」

STEM Sir眾多著作當中，馬同學最喜歡《STEM少年偵探團》，一至四集都看過。書中以香港不同地點做背景，介紹有趣STEM知識。而now TV的STEM電視節目當中，馬同學亦最鍾意STEM Sir與兩個小朋友一齊發掘STEM原理的一集，睇得好入迷，更幻想自己成為當中的主角。

金獎得主各有所好

除了大獎得主馬嘉文同學，小編又訪問了另外3位金獎得主。來自油麻地天主教小學（海泓道）6年級的凌至臻，最喜歡介紹「水循環系統」的一集：「睇完知道地球點解源源不絕有水；另一集講『奇妙的三角形』，知道唔一定正方形先可以令建築物堅固。好多中學先開始教嘅知識，透過STEM課程就可以喺小學率先學到。」

同校來自5年級的朱巧藍同學最鍾意數學科，她最喜歡「身高之謎」一集：「呢一集介紹點樣簡單計出成年人嘅身高，因為原來一個大人嘅身高大約有8個頭咁高，知道佢頭嘅長度，就好易計到佢嘅高度。」今次參加呢項活動好開心，巧藍表示明年一定會再參加。

國際學校學生睇電視學中文

另一位得獎者是來自韓國國際學校Year 5的陳昱羲同學。陳同學平時學習以英文為主，因此中文節目與工作紙對他來說也是一種考驗：「最難係睇中文，因為我唔係太識睇中文，有啲部份要嗲哋媽咪解析之後完成。」陳同學最喜歡介紹防曬原理的一集：「因為我成日都出街玩，覺得呢一集好有用。」今年拿到金獎的陳同學，希望來年可以挑戰傑出大獎。

重溫STEM獎勵計劃2021頒獎典禮盛況