【低溫對策】唔好包到成隻糉咁

昨日見到電視報 “依家3度”，簡直不敢相信自己的眼睛！這是香港嗎？！

相信大家都好凍，今日仲凍到唔駛返學，朝早得5度，聽日雖然回暖小小但都只是10度左右，家長們肯定擔心小朋友著得唔夠暖，所以將小朋友包到成隻糉咁，又或只會見到佢地對眼….

當然，天氣咁凍小朋友保暖係好應該，不過據資深老師所言: 希望家長都聽下勸告，幫小朋友著既衫，係可以方便除到既，因為學校真係唔會凍到點樣，諗下，一個班房成20 至30幾人，有時真係幾焗！

回想下放學時有沒有見到老師著哂褸同戴頸巾？

多數老師一係就將長袖衫拉高，又或就咁長袖衫。加上小朋友活動量大，成日熱到成頭汗，要老師幫佢地除褸，同埋活動都唔方便，好多時佢地去洗手間真係連褲都除唔到…。

但講真老師好多時都唔敢除…因為驚小朋友已經出哂汗，一除會攝親。家長們不如考慮下，著一件羊毛底衫，下身可斟酌再著一件薄的打底長褲，然後著校服 +校褸，之後加上頸巾、手套、暖包等，最後再穿上學校既羽绒(通常有)係面，因為始終係返學，唔係去街呀。
咁樣，小朋友就唔會著太多，又確保佢地唔會凍。其實如果真係凍，老師分分鐘緊張過家長呢！

UNIQLO (Kids) Heattech extra warm 緊身打底長褲 HK$79

PETITE BATEAU 全棉長袖底衫  HK$210

3歲以下小朋友晚上還是可以著連體睡衣呀，這個年紀的小朋友多數仲未識半夜自己蓋被呀..

GAP (baby)一件式連體睡衣 (up to 110am) HK$149

祝: 保暖愉快。