【高訂周Spotlight】星二代比星爸星媽更吸睛！

高級訂製服週剛落幕，秀場除了星光熠熠之外，許多星二代也聯同出席，小小KOL 所能引發的同儕力量不容忽視。

例如 CHANEL 秀上見到Will Smith 同囡囡Willow Smith 一同出席，今年15 歲的Willow 顯然已見慣大場面，在全球時尚編輯及攝影師面前大擺pose，好有明星風範！

久違的Milla Jovovich 都同囡囡Ever 一齊出席，做左媽咪之後的Milla越來越有女人味，囡囡則遺傳媽咪一雙迷人的電眼，面對鏡頭也毫不害羞。

世界小姐張梓琳今次出席ARMANI PRIVÉ 2016秋冬高訂show，已經做媽咪的張梓琳話自己十年前第一次以模特身份為ARMANI PRIVÉ走秀，十年後的今天變身觀騷嘉賓出席，感到開心又激動，在後台仲化身小fans與Mr. Armani 合照，令佢開心左成日。不過今次係生完囡囡之後，第一次的出國看騷，因為驚太掛住兩個月既囡囡，這一次索性帶左小朋友過巴黎，就可以24小時見到佢！係咪有d「怪獸」?

張梓琳又話自己同老公都唔係怪獸家長，會比囡囡自由度做她喜歡的事。長大後，如果想選美或入娛樂圈都會支持，不抗拒做「星媽」，由囡囡自己做決定。

將目光轉移到 T 台上，高訂週開始出現了童裝！在ELIE SAAB 秀上大model 與細model 一同出場展示動輒六、七位數字一套的高級訂製服，除了覺得有如仙女下凡般賞心悅目，也再次反應時尚大牌們都虎視眈眈著童裝市場這塊大餅。