中國新年親子裝最潮配搭術

hot topics
by debby fan
03/02/2016

紅色是農曆新年的御用色調，但全身紅好難carry，其實以紅色為造型亮點即可，或用金色帶來型格的喜氣感覺，最好大家主題一致，例如大家都有金色元素，或紅色元素，或猴仔元素，咁先「襯」嘛~ 快d跟住本編睇睇新年親子裝單品推介！

FOR MOM:

潮媽們見到呢款ARMANI clutch一定好心動吧，不退流行的黑色漆皮配上紅心結，係好百搭的時尚單品！

GIORGIO ARMANI 手拿包 HK$ 22,500

TORY BURCH 為配合農曆新年，重新設計York手提袋，就算年後繼續用都得。小編最鍾意袋內設有不同間隔，可以擺到iPad，同埋有四個小口袋，同小朋友一齊出門時將大人細路野分門別類，易拿易搵好緊要既，又輕身，真係一次過滿足N個願望！

HK$ 2,780

HK$ 3,880

TED BAKER 呢見紅色立領大衣霸氣十足，著上身好挺拔好有精神，但記住如果著左呢件好搶眼的衫，其他野唔好再紅通通喇，以免變成個「識行路的利是封」。

TED BAKER HK$ 3,795

喜慶的紅散發歡欣熱鬧感覺既同時，據說年初一穿紅色內衣，全年都會「鴻運當頭」，由內旺到外，迎接好開始。

RIGBY & PELLER 全套 HK$ 1,430

FOR DAD:
爸爸通常係難D 處理既(講緊衫呀) ，因為對男人來講，充滿喜慶的服飾通常一年著一次咁多，特登去買又覺得浪費，不如考慮將小小隻猴仔刻在鞋履或小皮件上，具玩味之餘又充滿猴年氣息。意大利品牌BERLUTI就推出針對Venezia 皮具產品的限時免費猴年手繪刺青服務。刺青共分三個尺寸，分別可印刻在各式皮具產品上。唔一定要買新既喎，可以拿現有的 Venezia 皮具產品帶到就近門店享免費服務，圖案亦可在日後根據喜好由品牌專業染色技師覆蓋或移除。