- hot topics
- by debby fan
- 04/02/2016
倒數三日就要踏入猴年，身為好新抱的我地係唔係仲為團年飯煩惱? 就算屋企有工人姐姐幫手，團年飯呢d 大陣仗無論準備或事後整理諗起都覺得攰呀~~ 其實響餐館食係一個好辦法，點都要駛錢喇，不如駛得舒舒服服，且看小編推介！
馬哥孛羅香港酒店(MARCO POLO HONG KONG HOTEL)一樓的咖啡廳在二月推出「珍饈盛宴」自助餐，雖然是自助餐形式，但食材及菜式一點都不馬虎，每日提供數十款珍饈佳餚，酒店的中菜廚師們以「蒸、炒、炆、燉」巧手炮製粵菜、滬菜、潮州菜、京菜等地道菜式。小編就好推介蒜蓉蒸開邊龍蝦、清蒸海斑 及陳皮薑絲蒸鮑魚仔這些蒸的菜式，最能吃出海鮮的鮮甜。
另外仲有大廚精心煲的養顏花膠圓肉燉水鴨 及蟲草花鮑魚燉竹絲雞湯，每晚輪流供應，潮媽們去之前好鎖定目標喇。
甜品也是又精緻又多樣，記住留返d 胃口食甜品呀！至少要食埋每位成人免費獲贈的杏汁燕窩燉奶掛！自助晚餐仲有小朋友優惠添，同行之3至8歲小朋友可享免費優惠；9至11歲的小童則享半價優惠。
團年飯食西餐? 有何不可? 嚴格來說是中西fusion，仲有機會得到全年免費用餐！
另外一間大推的是JAMIE’S ITALIAN 的首創亞洲風味農曆新年菜單！小編試菜之前都有小小疑慮.. 意大利菜和中菜的fusion?? 又幾令人喜出望外喎，由開胃前菜的脆炸菠菜芝士雲吞伴辣椒醬，到亞洲風味的主菜，寓意年年有餘的焗魚配辣椒、蒜頭及青檸；
甜甜蜜蜜的蜜糖薑汁雞翼，脆鴨南瓜沙律伴新鮮芫茜葉、薄荷、烤芝麻籽及辣椒碎，全部均配以新鮮時菜及鬆軟白飯！最後是清新又健康的甜品──黑糯米布甸，配芒果及熱情果醬；及新鮮菠蘿乳酪伴紅石榴籽及辣椒碎，這頓價值$888(2人份)的新年大餐更附送「利是」一封，終極大獎是──全年於任何一間JAMIE’S ITALIAN免費用餐 Jamie 特登為香港推出的「芥蘭pizza」，都好適合新年一家共享 ！