- hot topics
- by shemom
- 10/04/2018
春天又黎喇！眾多迪士尼朋友趁著這個萬物萌生的季節，為你呈獻最繽紛熱鬧的春日盛事──「迪士尼巨星嘉年華」，等你帶埋小朋友來尋找迪士尼朋友，遊勻全個樂園5大打卡位！
第一打卡位－嘉年華列車 集郵好機會
每日下午小鎮大街上響起動人的音樂，代表著「迪士尼明星嘉年華列車」要開始行駛喇，米奇、Duffy同一眾朋友換上春日新裝，與30位難得一見嘅迪士尼好友同你地見面，小鎮大街立刻熱鬧起來，就連甚少露面的《愛麗絲夢遊仙境》的愛麗絲與白兔先生、《富貴貓》的瑪麗都會加入車隊，大家要把握機會「集郵」來個大合照喇！
第二打卡位－與新迪士尼朋友 近距離合照
Meet and Greet環節加入新朋友，熱門的迪士尼動畫《魔海奇緣》中，深受歡迎的主角女英雄慕安娜(Moana)登陸香港迪士尼樂園，於探險世界與大家見面。仲有來自動畫《大英雄聯盟》的大英雄，每個小朋友都好鐘意嘅醫神同濱田廣亦都首次現身於「會客室」同大家見面合照！到時一定要攬實佢地合照！
第三打卡位－春日特色滋味 相機食先
玩到肚餓不用怕，Duffy與好友的美味佳餚，遍佈整個樂園度假區，隨時買俾小朋友食，市集餅店有「Duffy及StellaLou 曲奇」、「Duffy及ShellieMay 甜甜圈」、「StellaLou 紫薯慕絲」、「StellaLou 青檸冰冰」等花樣多多，要滿足晒大人同小朋友無難度啦，就算幾肚餓都要俾相機食先！ 樂園園區以外，香港迪士尼樂園酒店的華特餐廳也推出「春日下午茶」套餐、迪士尼好萊塢酒店「米奇廚師家庭樂」自助晚餐連親子彩蛋曲奇DIY，於米奇廚師餐廳一邊享用自助晚餐，一邊發揮廚藝。
第四打卡位－全新夜間 “We Love Mickey!”投影Show
玩完成日，入夜之後有全新節目─“We Love Mickey!”大街投影盛演，小鎮大街化身一塊長長嘅銀幕，整條大街改頭換面，上演米奇嘅演藝故事，仲有機會見到盛裝赴會嘅米奇，故事畫面豐富，一定快門按不停，完全不怕不夠相打卡！
第五打卡位－猜猜誰‧尋尋蛋 + 迪士尼朋友嘅春日花圃
春日全新以繁花為主題的花圃，小鹿斑比、小灰免大腳、花花玩住捉迷藏、小熊維尼攬住蜜糖罌同好友係裡面等緊各位小朋友！而且小心留意花園裡面，藏身於多個角落化身花蛋的迪士尼朋友，考考小朋友眼力同時看你又認得出多少個迪士尼朋友，記得幫小朋友同花蛋影相打卡啊！細細聲提提你，花蛋不只留在花圃，仲會出現係在樂園所有園區與三間酒店！真係要落足眼力，隨時出現在你附近！
宜家成為「奇妙處處通」會員仲有專享獨家優惠，帶同好友入園，每位減港幣$200，將快樂分享，齊齊打卡齊齊玩。
「奇妙處處通」詳情：http://bit.ly/2GzAN9R
