氹BB要用「雀仔攻略」！李幸倪：好多小朋友都鍾意睇識郁嘅嘢！

小朋友成日「扭計」唔聽話，父母除咗打打鬧鬧之外，不如試吓氹佢哋喇！李幸倪（Gin Lee）之前就化身保母湊B「過三關」，接受湊仔挑戰，包括餵BB食蛋糕、換尿片及剪頭髮，仲發明了一招氹BB絕招「雀仔攻略」，笑言非常成功，所以一定要同大家分享！

自創「雀仔攻略」氹BB

接受湊仔挑戰之前，Gin Lee自言心情緊張，因為好耐未湊過BB。當「主角」BB出場時，面對陌生的Gin似乎不太受落，頻頻擰歪面，又放聲狂喊，Gin不斷出招，又唱兒歌、又扮鬼臉都無用，直到使出絕招「雀仔攻略」才成功與BB拉近距離。究竟什麼是「雀仔攻略」呢？她說：「BB一扭計，我就抱佢去睇雀仔，因為好多小朋友都鍾意睇啲郁嘅嘢，例如巴士、車、雀仔，所以呢招『雀仔攻略』係成功嘅。」所以下次小朋友「扭計」時，父母都不妨試吓用「雀仔攻略」！

湊仔唔容易　讚嘆天下母親的偉大

進行挑戰的過程中，Gin深感母愛的偉大。她說：「湊仔好花精神好，好攰，要諗好多計先可以氹到BB。」好像Gin以為餵食物最簡單，點知反而點難！BB頻頻擰歪面不理會Gin，最終一啖食物都沒有放進口。去到換尿片環節，一幫BB除褲就即刻喊，對於換尿片零經驗的她更顯得手忙腳亂！最後，在剪髮環節竟能順利與BB修髮，連Gin都感到難以置信，「可能佢好專心玩玩具，所以我可以好快就剪到。」體驗完母親一日嘅湊仔生活，Gin笑言：「日後如果有小朋友，一定要做全職媽媽，因為平衡工作和湊小朋友，體力上真係好難應付到，所以媽媽真係好偉大。」