潮媽2015最驚嚇及最驚艷回顧

步入新的一年，最興來個XYZ大事回顧，總結過去ㄧ年來所發生的大事。今次小編都一同參與回顧系列，總結2015年的媽媽女星最好同最差 fashion taste。搜羅小編心目中全球女星正負100分的衣着，次次講Top 3 都有人話有遺珠之憾，未免遺憾，即刻睇 Top 4!

最驚嚇!

#1

張栢芝近年轉攻內地市場，衣着品味越來越有土豪的趨勢。早前她現身內地機場，穿上過季的PRADA毛毛褸，配以DIOR紅色漆皮過膝長靴，還有HERMES Birkin，用名牌堆砌一身，唯不見品味。

#2

小S 係公認keep 得好好的媽咪，生完3個囡囡的身型及皮膚都仲保持得好靚，可惜螢光幕前及私下的穿著品味都幾老土，浪費了她的天生麗質。其實身材好不一定要用短及緊身才能凸顯的，時尚編輯們救救她吧~

趙薇身穿MARC JACOBS 2015秋冬粉紅色西裝出席有份投資的公司上市儀式，卻沒有跟足天橋版的model在腰上配以幼腰帶，令套裝設計變得直上直落，沒有修身感之餘反而像睡衣，可惜了。

ps. 對腳去左邊?

#4

Kim Kardashian

其實這位名人媽咪真係令小編感到不知所措，個style 咁大起大落教人點算，私底下 casual look 可以休閒得來又覺得有taste，又可以好似包香腸嚇死人，大型典禮上通常係以「露」為主打，偏向驚嚇組囉 sorry..

#1 Blake Lively

講到潮媽如果不提到Blake Lively 小編直情唔駛撈! Blake 懷孕期間所有裝扮仍然被全球時尚人狂讚之餘，生完ㄧ個月之後在紐約時裝周的「產後復出」更令人不禁懷疑: 真的有生過嗎??

(Blake Lively 於紐約時裝周後台)

#2

全智賢這身GUCCI 2015秋冬系列造型曝光時其實已有了身孕，身材依舊纖細的她穿上剪裁俐落的褲裝顯得十分瀟灑，再巧妙的配搭同牌飾品，同樣是全身名牌，高低立見。

台灣前甜心主播侯佩岑絕對是小編心目中靚媽前三名，剛生完仔仔不久即上到台灣 VOGUE 封面，氣質依舊出眾之外更多了ㄧ分成熟女人的韻味。

#4

其實小編不嬲唔係太欣賞Victoria Beckham，覺得她唔就係上輩子燒得好香可以嫁給碧咸咁囉，但依排觀察她平日的穿著，又幾型喎，在她倫敦flagship store 前影到佢\的「返工衫」，簡單的黑白又流露ㄧ分俐落的隱約性感。和孩子們出街的休閒運動裝都俾佢著到時尚感十足，令小編改觀，不過得閒果陣可唔可以有番小小笑容呀娘娘~~~

(圖片源自互聯網)