當爸爸唔出聲，又表現得無咩所謂的時候…

唔知點解，一直以來大家重視母親節多於父親節。可能在舊時代，一般係媽媽湊小朋友多，爸爸就出外工作，變左子女對媽媽既感情往往係比教親密，自然緊張母親節既慶祝吧！同埋係咪媽媽係女人，對節日緊張多過爸爸，所以大家都唔係點理父親節，最緊要tum掂媽媽，哈哈！
呢樣野其實我唔係好知，因為我好細個已經無爸爸了。係自己生左兩個小朋友開始，父親節先再度變得有意思的，係對我老公有意思先岩。然後發覺，原來老公都會在意父親節的，其實爸爸響家庭既地位角色，一樣咁重要！

而定呢個年代，唔同以前了，好多爸爸都唔鍾意太威嚴，反而鐘意同仔女玩埋一堆，好似朋友咁相處。唔會令到小朋友要一見到爸爸驚親，同爸爸既距離好遙遠。對長輩尊敬一定要有，但絕對唔係畏懼。而呢個時代既爸爸，其實除左返工賺錢養家外，放工亦會幫手家務，陪小朋友玩，時時見到D爸爸同小朋友玩得更癲！好似我老公咁，佢就由細到大係兩個仔既玩具，康樂組的。會自創好多野比仔玩，紙皮箱，膠紙都係常用工具，及後兩個仔都係學埋呢一套，屋企D膠紙四圍痴，好快又一卷。

父親節又快到了！係時候歌頌下爸爸啦，佢地可能唔出聲，又可能表現得無咩所謂，但小小驚喜，同小朋友自製小禮物tum爸爸，預備一餐爸爸飯，佢地一定好開心的！響度預祝各位爸爸，父親節快樂！身體健康！！